Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Prezıdent janyndaǵy Ortalyq kommýnıkasııalar qyzmetiniń alańynda ótken onlaın baspasóz maslıhatynda tótenshe jaǵdaı kezinde dinı is-sharalardy ótkizý tártibi týraly baıandady, dep jazady muftyat.kz.

Bas múftı eldegi tótenshe jaǵdaıǵa baılanysty Ramazan aıynda indettiń taralýynyń aldyn alý maqsatynda  taraýyq namazy meshitterde jamaǵatpen oqylmaıtynyn málimdedi. 

– Taraýyq namazy meshitterde jamaǵatpen oqylmaıdy. Árkim taraýyq namazyn óz shańyraǵynda otbasy múshelerimen oqýyna keńes beremiz. Biz osylaı oqshaýlaný arqyly juqpaly indetti jeńemiz. Juqpaly indettiń taralýynyń aldyn alý maqsatynda meshitterde, dámhanalarda, qoǵamdyq oryndarda t.b. mekemelerde jınalyp aýyzashar berýdi ýaqytsha toqtatýǵa shaqyramyz. Sondyqtan karantın kúnderi: 1. Árkim óz shańyraǵynda otbasy múshelerimen aýyzashar ótkizýge; 2. Kópshilik oryndarda (dámhana, meıramhana t.b.) jınalmaýǵa úndeımiz. Qazirgi jaǵdaıǵa qaraı oraza ustaǵan adamdarǵa aýyzashar berýde mynadaı qaıyrly amaldardy júzege asyrýǵa shaqyramyz: a) Meıramhanalarǵa tapsyrys berip, aýyzy berik adamdarǵa tamaq taratý; á) Áleýmettik jaǵdaıy tómen otbasylarǵa azyq-túlik taratý arqyly aýyz ashtyrý;b) Aýyzasharǵa jumsalatyn shyǵyndardy oraza ustaǵan adamdarǵa qarjylaı berý, t.b, – dep atap ótti Naýryzbaı qajy Taǵanuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir