Kórneki sýret
Seısenbide birneshe halyqaralyq BAQ Avstrııada myńdaǵan dúken qaıta ashyla bastaıtynyn jazdy. Osylaısha Avstarııa koronavırýs shekteýin alyp tastaǵan Eýropadaǵy alǵashqy el boldy.
Avstrııa bıligi elde koronavırýs alǵash ret tarala bastaǵanda mektepterdi, kafeler men barlardy, teatrlar, meıramhanalardy, dúkender jáne basqa da adam kóp jınalatyn oryndardy jabýdy bastaǵan. Halyqty úıde otyryp jumys isteýge shaqyrǵan.
Qazir Avstrııada jalpy 368 adam koronavırýstan kóz jumǵan. Bul kórsetkish Eýropadaǵy keıbir elderdiń kún saıynǵy óliminen az.
Al Azııadaǵy eń úlken ári halqynyń sany eń kóp elderdiń biri Úndistan koronavırýsqa baılanysty qoıylǵan shekteýler 3 mamyrǵa deıin uzartylatynyn jarııalady.
Úndistan premer-mınıstri Narendra Modı halyqty "tártipti" saqtaýǵa shaqyrdy. Ol seısenbi kúni halyqqa úndeý joldap, alǵashqy úsh aptalyq sheteý el ekonomıkasyna aýyr soqqy boldy dep moıyndady.
"Ekonomıkalyq turǵydan alǵanda biz úlken shyǵynǵa battyq. Biraq Úndistan halqynyń ómiri áldeqaıda qymbat" dedi Narendra Modı.
Sońǵy derek boıynsha, Úndistanda 9000-nan astam vırýs juqtyrǵan. Olardyń 339-y kóz jumǵan.
Úndistanda qatal shekteý sharalary engizilgen. Azamattarǵa qajetti zattardy satyp alý úshin ǵana úılerinen shyǵýǵa ruqsat etilgen, tipti, birneshe iri provınsııa men qalada zań boıynsha adamdarǵa maska taǵý talap etiledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir