Almaty joldaryn jóndeý qolǵa alyndy

Almatyda jol-kólik ınfraqurylymyn damytý boıynsha jobalardy júzege asyrý jalǵasýda. Bul týraly qala ákimdiginiń baspasóz qyzmeti habarlady.

Qazirgi ýaqytta «Dostyq» jáne «Saryarqa» metro stansııasynyń jelileri salynýda. Oǵan 250 jumysshy tartylǵan. Rysqulov dańǵyly men Emsov kóshesiniń qıylysynda jol aıryǵynyń qurylysy júrgizilýde. Oǵan 53 jumysshy tartylǵan. Al Abaı dańǵylyn tesýge 20 jumysshy kúsh jumsap otyr.

Alataý aýdanyndaǵy jańa joldardyń qurylysyna 115 jumysshy jumyldyrylǵan:

• - Shańyraq-2, uzyndyǵy - 10,9 km, aıaqtalý merzimi - osy jyldyń tamyz aıy, qamtý - 18440 turǵyn;
• - Áıgerim-1, uzyndyǵy - 6 km, aıaqtalý merzimi - osy jyldyń mamyr aıy, qamtý - 10300 turǵyn;
• - Uljan-1, uzyndyǵy - 12,6 km, aıaqtalý merzimi - osy jyldyń qazan aıy, qamtý - 8000 turǵyn;
• - Trýdovık, uzyndyǵy - 18,2 km, aıaqtalý merzimi - osy jyldyń qarasha aıy, qamtý - 6000 turǵyn;
• - Áıgerim-2, uzyndyǵy - 6 km, aıaqtalý merzimi - osy jyldyń qyrkúıek aıy, qamtý - 12,600 turǵyn.

Joldardy aǵymdaǵy jóndeý. 105 jumysshydan 10 brıgada jumyldyryldy. Búgingi tańda aýdan boıynsha aǵymdaǵy jóndeý jumystary jalǵasýda:

• Alataý aýdany – 3600 sh.m;
• Almaly aýdany – 3000 sh.m;
• Áýezov aýdany – 600 sh.m;
• Bostandyq aýdany – 3000 sh. m;
• Jetisý aýdany – 5000 sh.m;
• Medeý aýdany – 4200 sh.m;
• Naýryzbaı aýdany – 3000 sh.m;
• Túrksib aýdany – 3000 sh.m.

Jumysshylardyń sanıtarlyq-qorǵanys sharalaryn saqtaý úshin jóndeý-qurylys jumystarynyń barlyq qatysýshylary maskalarmen, sondaı-aq antıseptıkalyq zattarmen qamtamasyz etilgen.

Osy jyldyń sońyna deıin Alataý aýdanynyń 7 shaǵynaýdanynda uzyndyǵy 84 shaqyrym bolatyn jańa joldyń qurylysy aıaqtalady. Sonymen qatar uzyndyǵy 67,4 shaqyrym bolatyn 18 shaǵynaýdanda ortasha jóndeý jumystaryn júrgizý josparlanǵan. 5 móltek aýdanda: «Samǵaý», «О́jet», «Shańyraq-5», «Alǵabas», «Shapaǵatta» jańa joldyń kúrdeli qurylysynyń jobalyq-smetalyq qujattaryn ázirleý jumystary júrgizilýde. Jobalyq-smetalyq qujattamany aıaqtaý merzimi 2020 jyldyń 2 toqsanyna josparlanǵan.

Sonymen qatar shaǵyn aýdandardaǵy kóshelerdi jóndeý qolǵa alynýda:

• Alataý aýdanynda jyl sońyna deıin uzyndyǵy 67 shaqyrym bolatyn 75 kósheni jóndeý josparlanýda.
• Almaly aýdanynda jyl sońyna deıin uzyndyǵy 14 shaqyrym bolatyn 16 kósheni jóndeý josparlanýda.
• Áýezov aýdanynda Altynsarın, Abaı dańǵyldary men Saın, Shalıapın jáne Jandosov kóshelerinde jóndeý jumystary bastaldy. Jyl sońyna deıin uzyndyǵy 27 shaqyrym bolatyn 49 kósheni jóndeý josparlanǵan.
• Bostandyq aýdanynda jyl sońyna deıin uzyndyǵy 25 shaqyrym bolatyn 49 kósheni jóndeý josparlanyp otyr.
• Jetisý aýdanynda Bókeıhanov kóshesine jóndeý jumystary júrgizilýde. Jyl sońyna deıin aýdanda uzyndyǵy 22 shaqyrym bolatyn 23 kósheni jóndeý josparlanýda.
• Aǵymdaǵy jyly Medeý aýdanynda uzyndyǵy 21 shaqyrymnan asatyn 24 kósheni jáne Shyǵys aınalma avtomobıl joly boıynda ornalasqan 8 jer ústi jaıaý júrginshiler ótkelin ortasha jóndeý josparlanǵan.
• Naýryzbaı aýdany boıynsha jalpy uzyndyǵy 22 shaqyrym bolatyn 35 kósheniń kóshe-jol jelisin ortasha jóndeý josparlanýda.
• Túrksib aýdany aýmaǵynda 15 kósheni jóndeý jumystary aıaqtaldy. Aǵymdaǵy jyldyń sońyna deıin uzyndyǵy 9 shaqyrym bolatyn 12 kóshege ortasha jóndeý jumystary josparlanǵan.