13 Sáýir, 2020 NEWS
Kórneki sýret
Ispanııada mańyzdy emes dep sanalatyn keıbir jumys oryndaryna da jumysty bastaýǵa múmkindik berile bastady. Koronavırýstan kóz jumǵandardyń sany 17 209 bolǵanyna qaramastan, koronavırýstyq shekteýler ishinara jeńildetile bastady.
Ispanııa bıligi 30 naýryzdan bastap barlyq mańyzdy emes áreketterdi toqtatý arqyly eldegi oqshaýlaý sharalaryn kúsheıtken.
Elde ónerkásip pen qurylys salasyndaǵy jumysshylarǵa eki aptalyq karantınnen keıin jumysqa oralýǵa múmkindik berildi. Ispanııa bıligi úıden jumys isteı alatyndardy jumystaryn úıde jalǵastyrýǵa shaqyrady.
Sýpermarketter, jemis-jıdek dúkenderi, naýbaıhanalar, kasapshylar, dárihanalardan basqa barlyq dúkender jabyq kúıde qalady. Premer-mınıstr Pedro Sanches halyqqa arnaǵan telekópirinde Ispanııa koronavırýspen kúreste áli «ekinshi kezeńge» kirmegenin eskertti.
Aıta keteıik, Eýropa elderiniń ekinshi kezeńge daıyndalyp jatqanyn habarlaǵan bolatynbyz.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir