13 Sáýir, 2020 NEWS

QazUÝ-da «Jas ál-Farabı» respýblıkalyq konferensııasy ótti

Qamshy.kz

Ál-Farabı atyndaǵy Qazaq ulttyq ýnıversıteti Beıindik mektebi aǵymdaǵy oqý jylynyń 14 aqpanynda«Rýhanı jańǵyrý» baǵdarlamasy aıasynda jáne uly babamyzdyń 1150 jyldyq mereıtoıyna arnalǵan respýblıkalyq konferensııa uıymdastyrdy. Konferensııaǵa ǵylymǵa degen qyzyǵýshylyq tanytqan mektep oqýshylary men arnaıy orta bilim mekemeleriniń bilim alýshylary qatysty. Konferensııa týraly tolyq málimetti htpps://kaznu.kz saıtynan bile alasyzdar.

Ál-Farabı atyndaǵy Qazaq ulttyq ýnıversıteti JOO-ǵa deıingi bilim berý fakýlteti Beıindik mekteptiń dırektory B.N.Kýljanova men ustazdar ujymynyń uıymdastyrýymen mektep oqýshylarynyń ǵylymı-zertteý jumystarynyń VII Respýblıkalyq konferensııasy óz jumysyn uıymdastyrýshylar men qatysýshylardyń ýnıversıtettiń basty ǵımaratynyń aldyna ornalasqan ál-Farabıdyń eskertkishine gúl qoıyp, taǵzym etýden bastady.

Konferensııaǵa elimizdiń túkpir-túkpirinen kelgen mektep oqýshylarymen qatar Joǵary oqý oryndarynyń stýdentteri de belsene qatysty. Konferensııa talantty mektep oqýshylarymen qatar, stýdentterdi de ǵylym álemine jetelep, olardy ǵylymı-zertteý jumystarymen shuǵyldanýǵa baýlý maqsatynda uıymdastyryldy.

Respýblıkalyq konferensııanyń plenarlyq otyrysynyń saltanatty jıynyn quttyqtaý sózben ashqan beıindik mekteptiń dırektory Botagóz Nııazovna bul dástúrli VII Respýblıkalyq konferesııa áýeli jumysyn qalalyq deńgeıde bastaǵanyn aıtyp, izgilikti sharanyń jyldan-jylǵa aıasy keńeıip, arqalaǵan júginiń mańyzdy bolyp kele jatqanyn atap ótti.

Konferensııanyń qurmetti qonaqtarynyń biri pedagogıka ǵylymdarynyń kandıdaty Erbol Ońalbekov óziniń quttyqtaý sózin halyqaralyq aǵylshyn tilinde bastady. E.Ońalbekov bıylǵy erekshelikterin atap kórsetip, ǵylymnyń kókjıegine jetsem dep talpynǵan jastarǵa «Sizderden aıryqsha jetistikter men ıgi nátıjeler kútemiz" dep memlekettik tilde aıaqtady.

Sharanyń qurmetti qonaǵy, Jeke bilim berý mekemeleriniń respýblıkalyq qaýymdastyǵynyń dırektory Roza Sadyqova memlekettik pen resmı tilde sóılep, ózi qol jetkizgen bıik jetistikteriniń osy bilim ordasynan bastaý alǵanyn jáne osy túlegi ekenin maqtan etitinin aıtyp, QazUÝ beıindik mektebin ózi basqaryp otyrǵan qaýymdastyǵyna múshe bolýymen quttyqtady.

JOO-ǵa deıingi fakýltetiniń dekany, tarıh ǵylymdarynyń kandıdaty, dosent J.E.Jappasov ta jastardyń osy álemniń qupııasyn tereńirek bilsem, ǵylym keńistiginde paıdaly jańalyq ashyp, týǵan eliniń damýyna ózindik úlesin qossam dep kelip otyrǵan jastardyń qadamyna sáttilik tileıtinin aıta kelip, jas daryndardy ǵylym álemine jetelep, baǵyt-baǵdar berýshi ustazdaryna alǵysyn bildirdi.

Konferensııanyń qurmetti qonaqtary: QazUÝ-dyń Ǵylym jáne ınnovasııalyq qyzmeti jónindegi departament dırektory Serik Kópjasarovııa Mýhambetjanov, «Ál-Farabı» kitaphanasynyń dırektory Qalıma Tóleýbaevna Týenbaeva, «Ál-Farabı» ortalyǵynyń dırektory Berik Bárikbaıuly Meırbaevtar da konferensııa qatysýshylary men uıymdastyrýshylaryn aýqymdy sharanyń ashylýymen quttyqtap, jas daryndar men olarǵa baǵyt berýshi  ǵylymı jetekshililerine sáttilik tiledi.

Shynynda, bul konferensııa óte aýqymdy kólemde, joǵary deńgeıde ótti. Oǵan Almaty oblysymen qatar Almaty, Aktaý, Kentaý, Kokshetaý, Kyzylorda, Mangıstaý, Pavlodar, Taldykorgan, Taraz, Shymkent Ekıbastýz qalalarynan kelgen 400-ge oqýshy men stýdentter qatar, ár shákirtiniń jumysyn sátti ótýin tilektes bolyp kelgen ǵylymı jetekshileri de belsendilik tanytyp birge keldi.

Konferensııanyń ashylý saltanaty ýnıversıtettiń Álemniń Ekinshi ustazy, danyshpan babamyzdyń atyndaǵy «Ál-Farabı» kitaphanasynan konferenszalynda bastaý alyp, baǵytyna oraı seksııalar jumystaryn fakýltetterde jalǵastyrdy. Konferensııa seksııalar «Geografııa, ólketaný, týrızm» seksııasy, «Tarıh, arheologııa, qoǵamtaný, etnomádenıetaný» seksııasy, «Qazaq fılologııasy, qazaq tili men ádebıeti», «Orys jáne shetel fılologııasy», «Bıologııa, Ekologııa, Medısına» seksııasy, «Matematıka, qoldanbaly matematıka jáne ınformatıka», «Hımııa jáne hımııalyq tehnologııa» baǵyttary boıynsha jumys istedi.

Ǵylym álemine qadamyn jańa bastaǵan jas daryndardyń ǵylymı jumystarynár seksııa boıynsha fakýltetterdiń ǵalym ustazdary: oqytýshy-professorlar quramynan jasaqtalǵan  arnaıy komıssııa músheleri baǵalady. Seksııada ǵylymı jobalaryn úzdik qorǵap, alǵashqy júldeli 1,2,3-oryndardy ıelengen talantty oqýshylar I, II, III dárejeli dıplomdarmen marapattaldy.

Konferensııanyń barlyq qatysýshylaryna ýnıversıtettiń tól baspasynan shyqqan mereıtoılyq arnaıy belgisi bar qoıyn kitapshalar, ataýly kúntizbeler, qalamdar, konferensııa baǵdarlamalary, mekteptiń jarnamalyq býkletteri, konferensııa materıaldarynyń jınaǵy bar papkalar men sertıfıkattar tabys etildi. Bilim alýshylardy mektep qabyrǵasynan-aq ǵylymı-zertteý jobalaý jumystarymen aınalysýǵa qyzyqtyrýǵa, otandyq bilim berýdiń ınnovasııalyq modelin qurýǵa baǵyttalǵan jáne mektep pen joǵary oqý oryndarynyń arasynda ǵylymı baılanys ornatqan konferensııanyń qatysýshylarǵa úıreteri de, bereri de mol tálimdi shara boldy.

Naralıeva Rahıla Týrsynovna,

Begalıeva Aısha Káripjanovna

QazUÝ-dyń aǵa oqytýshylary

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir