• USD 468.56

  • EUR 497.56

  • RUB 7.3

  • CNY 67.18

28 Naýryz, 18:33:03
Almaty
+35°

Búginde koronavırýstyq ınfeksııadan 9 naýqas tolyq saýyǵyp, stasıonardan shyǵaryldy. Onyń 5-eýi áıel, 1-eýi er adam jáne kámeletke tolmaǵan 3 qyz bala – ekeýi 16 jasta, bireýi 17 jasar qyz bala.

– Olardyń tórteýi 27 naýryzda Sankt-Peterbýrgten, ekeýi 24 naýryz kúni Dýbaı jáne Máskeýden, bireýi 20 naýryzda Ystambul – Tbılısı – Almaty charterlik reısimen ushyp kelgen. Sonyń ekeýi ınfeksııa juqtyrǵan adammen baılanysta bolǵan, – dedi qalalyq Qoǵamdyq densaýlyq basqarmasynyń basshysy Tileýhan Ábildaev.

Naýqastardy emdeý merzimi orta eseppen 16-18 kúnge sozyldy. Búginde olar 14 kúndik úı karantınine shyǵaryldy.

Búgingi kúni megapolıste koronavırýstyq ınfeksııadan emdelip shyqqan adamdardyń sany 37-ge jetti.

Qazirgi ýaqytta Almatydaǵy ınfeksııalyq stasıonarda qaýipti indeti aıqyn 99 adam emdelýde. Sonyń ishinde Almaty oblysynan bir naýqas bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir