Almaty qalasy ákimdiginiń baspasóz ortalyǵynda ótken brıfıngte qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova Tótenshe jaǵdaı men karantın kezinde dári-dármekterge qoljetkizý qalaı júrip jatqanyn aıtty.

– Buǵan deıin Taýarlar men qyzmetterdiń sapasy men qaýipsizdigin baqylaý departamenti men QR farmasevtıkalyq qyzmetti qoldaý jáne damytý qaýymdastyǵynyń arasynda memorandýmǵa qol qoıylǵan bolatyn. Iаǵnı ol memorandýmǵa tótenshe jaǵdaı men karantın kezinde eń qajet preparattar sanalatyn 103 dári-dármek jáne medısınalyq ónimder tizimi kirgen bolatyn. Biz medısınalyq preparattardyń sany men baǵasyna kúndelikti monıtorıng jasap otyrmyz, – dedi A. Moldaǵasymova.

Spıkerdiń aıtýynsha, dál osy medısınalyq ónimder tiziminiń baǵasyn ákimshilik ókilderi, joǵaryda atalǵan departament pen ózge de memlekettik mekemeler kúndelikti baqylaýda.

Júrgizilgen monıtorıng aıasynda qaladaǵy barlyq 8 aýdan qamtylǵan. Búgingi kúni olar 135 dárihana uıymyna baqylaý jasap, 5 dárihanada baǵa kóterý deregin anyqtaǵan.

– 2019 jyldyń 1 maýsymynda Qazaqstan Respýblıkasynyń Densaýlyq saqtaý mınıstri qol qoıǵan osy buıryqqa toqtala keteıin. Onda joǵaryda atalǵan, satýǵa tyıym salynǵan dári-dármekterdiń barlyq derlik túrlerine shekti baǵa qarastyrylǵan. Jaýapkershilikke tartý úshin 5 dárihana sotqa jiberildi, – dedi spıker.

Aıta keteıik, zańbuzýshylyq úshin 97 myńnan 225 myńǵa deıin aıyppul qarastyrylǵan.

Qalalyq shtab pen «Dolche Farm» óndirýshisiniń arasyndaǵy kelisimshart negizinde qaladaǵy 70 dárihana boıynsha turǵyndarǵa arnalǵan betperde jetkilikti túrde satylatyn boldy. Eger keshe 164 myń betperde bolsa, búginde betperde sany 250 myńǵa jetip otyr. Úsh qabatty betperde úshin baǵa saıasaty 87 tg bolsa, al kómir súzgisinen jasalǵan betperde 111 tg jáne bir adamnyń qolyna 10 betperdeden artyq berilmeıdi.

Saýda jáne ıntegrasııa mınıstrligi men Ulttyq ekonomıka jáne Densaýlyq saqtaý mınıstrlikteri 7 sáýirde «Medısınalyq betperdelerdiń shekti baǵasyn bekitý týraly» buıryqqa qol qoıǵan. Ol boıynsha bir medısınalyq betperde úshin bekitilgen baǵa 118 tg aspaý kerek.

"Qamshy" silteıdi
Ilmek sózder: dárihana monıtorıng

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir