• USD 468.56

  • EUR 497.56

  • RUB 7.3

  • CNY 67.18

28 Naýryz, 21:50:05
Almaty
+35°

AQSh prezıdenti Donald Tramp koronavırýsqa arnalǵan kúndelikti brıfıngte Dúnıejúzilik densaýlyq saqtaý uıymyn Qytaıdaǵy koronavırýs juqtyrǵan azamattardyń sanyn jasyrýǵa kómektesti dep aıyptady. Bul týraly yahoo.com jáne independent.co.uk basylymdaryna sholý jasaǵan Qamshy tilshisi habarlaıdy.

Tramptyń aıtýynsha, DDSU koronavırýstyń órshýine jol bergen.

– Men olardyń shyn jaǵdaıdy biletinine senemin» – dedi prezıdent koronavırýs týraly kúndelikti brıfıngte. Tramptyń aıtýynsha, DDSU Qytaıdyń COVID-19 ınfeksııalarynyń taralýy týraly shyndyqty jasyrǵanyn biledi. "Biraq olar álemge aıtqysy kelmedi. Biz bárin túbine deıin biletin bolamyz" dedi AQSh prezıdenti.

Osy aptada AQSh prezıdenti DDSU-ny bireshe ret synaǵan. Juma kúni Tramp DDSU-ny koronavırýs pandemııasy kezinde durys jumys jasamady dep aıyptaǵan. Seısenbide ol "DDSU-nyń Qytaıǵa búıregi burdy" dep synady.

Oǵan qosa, Tramp AQSh-tyń Dúnıejúzilik densaýlyq saqtaý uıymyna qarjy bólýdi qaıta qaraıtynyn málimdedi. Degenmen, qashan nemese qalaı jasaýǵa nıeti belgisiz. Amerıka Qurama Shtattary sońǵy eki jyldyq qarjylandyrý kezeńinde DDSU-ǵa 893 mıllıon dollar bóldi, al Qytaıdyń sońǵy jarnasy 86 mıllıon dollardy quraǵan.

– Biz olarǵa Qytaıdan 10 ese kóp tóleımiz, alaıda olar óte qytaıshyl, – dedi AQSh prezıdenti.

Tramp kelesi aptada DDU týraly egjeı-tegjeıli sóılesetinin aıtty.

Osy aptanyń basynda Tramp DDSU-ny "qaterdi barynsha azaıtyp kórsetýge tyrysty" dep aıyptaǵan. Bul aıyptaýlary 14 qańtarda DDSU-nyń «Qytaı bıligi koronavırýstyń adamnan adamǵa juǵýy naqty dálelderin tappady" dep tvıtterde jarııalaýyna baılanysty bolýy múmkin. Onyń múlde qate tujyrym ekeni keıin dáleldendi. Oǵan qosa, Tramptyń "DDSU koronavırýs týraly jalǵan málimdemeler jasady" degenine "koronavırýs ózdiginen joıylyp ketedi" degen tujyrym da sebep bolýy múmkin.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir