10 Sáýir, 2020 NEWS

Toqaev: Karantın rejımin sáýirdiń sońyna deıin sozýdy tapsyramyn

Akorda.kz

Búgin prezıdent Qasym-Jomart Toqaevtyń tóraǵalyǵymen Tótenshe jaǵdaı jónindegi Memlekettik komıssııanyń otyrysy ótti. Bul týraly prezıdenttiń baspasóz hatshysy habarlady.

Otyrysqa oblystar men respýblıkalyq mańyzy bar qalalardyń ákimderi, sondaı-aq memlekettik organdar men quqyq qorǵaý qurylymdarynyń basshylary beınebaılanys rejımi arqyly qatysty. 

– 15 sáýirde tótenshe jaǵdaı rejımi týraly Jarlyǵymnyń merzimi aıaqtalady. Tótenshe jaǵdaı rejımin, kem degende, sáýirdiń aıaǵyna deıin sozýǵa týra keletini qazirdiń ózinde túsinikti bolyp otyr. Biz koronavırýspen aýyrýdyń sharyqtaý shegin áli ótkizgen joqpyz. Indetke qatysty jaǵdaıdy jeńildetýge bolmaıdy. Osy sebepke baılanysty karantın rejımin elordada, Almaty men Shymkentte jáne tıisti oblystarda sáýirdiń aıaǵyna deıin sozýdy tapsyramyn. Munyń ońtaıly sheshim emes ekenin túsinemin. О́ıtkeni halyq kóshege shyǵyp, qalypty turmysyn jalǵastyrǵysy keledi. Biraq karantın rejımin saqtaýdan, oqshaýlanýdan basqa jol joq. Bul otandyq jáne halyqaralyq vırýsolog mamandardyń usynysy, – dep atap ótti memleket basshysy óz sózinde.

Ilmek sózder: karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir