"Tótenshe jaǵdaı kezinde 49 adam jumysqa ornalastyryldy"

Almaty qalasynyń ákimdiginiń baspasóz ortalyǵynda qalalyq jumyspen qamtý ortalyǵynyń dırektory Dılıara Imanqulova BAQ ókilderine arnap onlaın brıfıng ótkizdi. Ortalyq basshysynyń aıtýynsha, karantın kezeńinde eGov platformasy arqyly onlaın rejımde tirkelýge jáne jumyssyzdyq mártebesin alýǵa bolady.

Dál qazir jumyspen qamtý ortalyǵy tótenshe jaǵdaıǵa baılanysty jumyssyz qalǵan adamdar arasynda monıtorıng júrgizýde. Memleket esebinen tabysynan aıyrylǵandarǵa tabystarynyń 40% kóleminde áleýmettik járdemaqy taǵaıyndalady. Bul qarajat olardyń jarty jyl jáne 24 aıdan astam ýaqyt boıy resmı jumysqa ornalastyrý kezinde júrgizilgen aýdarymdarynan esepteledi.

– Biz jumyssyzdarǵa turaqty jumys tabýǵa tyrysamyz. Tótenshe jaǵdaı kezinde 49 jumysqa ornalastyryldy: olardyń 26-sy turaqty jumys taýyp, 23-i ýaqytsha jumysqa ornalasty, – dedi D. Imanqulova.

Jumyspen qamtý ortalyǵynda 224-2000 jáne 221-6611 koll-ortalyǵy jumys isteıdi. Kún saıyn Eńbek baǵdarlamasy boıynsha keńes alý úshin 60-qa jýyq adamǵa qyzmet kórsetiledi.

Eńbek mınıstrliginiń sheshimi boıynsha jumyssyzdyq mártebesin alý jeńildetilip otyr. Ony Jumyspen qamtý ortalyǵyna habarlasqannan keıin kelesi kúni alýǵa bolady.

Brıfıngte Dılıara Imanqulova karantın kezinde nesıe tóleý qıyndyqtary beleń alǵandyqtan qala turǵyndarynyń 20% bankke tıisti anyqtama alý úshin jumyssyzdyq týraly rásimdelgenin jetkizdi.

 

Sóz sońynda ortalyq basshysy jumys izdeýshilerge karantın kezinde «Skıf Treıd», «Maslo del», «Bazıs-A» jáne basqa da kompanııalardyń jumysyn toqtatpaǵanyn aıtyp, olardyń jumysqa qabyldaýǵa daıyn ekendigin jetkizdi.