Merkilik dárigerdiń shaǵymy boıynsha tıisti tulǵalar jaýapqa tartyldy

Nur Otan partııasynyń baspasóz qyzmet komıssııa koronavırýs ınfeksııasyn juqtyrǵan qyzmetker Tolqynaı Ordabaeva jumys isteıtin Jambyl oblysyndaǵy aýdandyq aýrýhanada zańbuzýshylyq baryn anyqtaǵanyn habarlady.

"Áleýmettik jelide jarııalanǵan úndeýden keıin kelesi aqparat anyqtaldy. Infeksıonıst-dáriger Tolqynaı Ordabaeva jeke paraqshasynda Jambyl oblysy Merke aýdanyndaǵy aýrýhanada basshylyq tarapynan zańbuzýshylyq bolǵanyn jazǵan. Atalǵan jazba boıynsha Partııalyq baqylaý komıssııasy tekseris júrgizdi, atalǵan derekter rastaldy. Merke aýdandyq aýrýhana ákimshiligi medısına qyzmetkerlerin maskany ózderi tigýdi talap etken. Sondaı-aq jumysta maskalar men qorǵanysh quraldary berilmegen. Osyǵan baılanysty aýdandyq aýrýhananyń bas dárigeriniń mindetin atqarýshy Danııar Núsipbekov pen densaýlyq saqtaý salasyna jetekshilik etetin aýdan ákiminiń orynbasary Marat Qasym partııalyq jaýapkershilikke tartyldy, – delingen habarlamada.

Buǵan deıin Jambyl oblysy Merki aýdandyq ortalyq aýrýhanasynyń Tolqynaı Ordabaeva atty ınfeksıonıst dárigeri qyzmet barysynda  koronavırýs juqtyrǵanyn, qazir Tarazdaǵy ınfeksııalyq stasıonarda jatqanyn jazǵan. Dáriger "aýdandyq aýrýhana basshylyǵy medısınalyq qorǵanys quraldarymen qamtamasyz etpedi" dep shaǵymdanǵan.