• USD 468.56

  • EUR 497.56

  • RUB 7.3

  • CNY 67.18

29 Naýryz, 04:58:53
Almaty
+35°

Qazaqstannyń dárigerlerine kómek kórsetý úshin Qytaıdan medısına qyzmetkerleri keldi. Bul týraly QR syrtqy ister mınıstrliginiń baspasóz qyzmeti habarlady.

– Búgin qytaılyq áriptesterimizdi qarsy aldyq. Bul kezdesý eki el basshylarynyń ýaǵdalastyǵy aıasynda ótýde. Biz úshin bul kezdesý sózsiz mańyzdy, sebebi Qytaıdyń epıdemıologııa máselelerindegi emdeý tájirıbesi men zertteýleri mańyzdy bolyp otyr. Qytaıdan 10 dáriger arnaıy keldi, olardyń arasynda pýlmonolog, epıdemıolog mamandar, qoǵamdyq densaýlyq saqtaý sarapshylary bar. 15 kúndik issaparda olar koronavırýs ınfeksııasyn juqtyrǵandardy dıagnostıkalaý, emdeý jáne qoǵamdyq densaýlyq saqtaý máselelerin talqylaıdy, – dedi densaýlyq saqtaý vıse-mınıstri Kamaljan Nadyrov.

Qytaılyq dárigerler Nur-Sultan, Qaraǵandy, Almaty qalalaryna ózderiniń tájirıbelerimen bólisip, kómek kórsetetin bolady.

– Bizde bul syrqattan jazylyp, aýrýhanadan shyqqan naýqastar bar. Sonymen qatar, aýyr hálde jatqan azamattarymyz da bar. Birqatary ókpeni jasandy jeldetý apparattarynda jatyr. Sondyqtan, áriptesterimizben talqylaıtyn másele kóp. Bizde bul aýrýdy dıagnostıkalaý men emdeýdiń klınıkalyq hattamasy bekitilgen. Bul hattama úzdik halyqaralyq tájirıbelerge saı keledi. Áriptesterimizdiń de tájirıbesin zerttep, ózimizge paıdaly derek alatynymyzǵa senimdimin, – dedi K. Nadyrov. 

Qytaı elshisi Chjan Sıao óz sózinde dárigerlerdiń tájirıbeli, joǵary bilikti maman ekenin atap ótti. 

– Qazaqstanda pandemııaǵa qatysty kúrdeli jaǵdaı oryn aldy. О́kinishke qaraı, vırýs juqtyrǵandardyń sany artyp keledi. Qytaıdyń Shyńjan-Uıǵyr avtonomdy aýdanynan kelgen dárigerler de osy indetpen kúresip, kóptegen naýqastardy emdep jazǵan. Bul aýrýdyń soqqysy alǵash ret Qytaıǵa tıdi. Búginge deıin vırýspen kúresý boıynsha birqatar tájirıbe jınaqtadyq. Áli kúnge deıin bul vırýs - biz úshin jańa, ol týraly bilerimiz az. Biraq, qazaqstandyq dostarǵa da aıtarymyz bar. Koronavırýspen kúres boıynsha tájirıbe bólisýge daıynbyz, – dedi Chjan Sıao.

Shyńjandyq dáriger Lý Chjen dárigerllerdiń Qazaqstanǵa úlken daıyndyqpen kelgendigin jáne ınfeksııamen qalaı kúreskenderin tájirıbe júzinde kórsetetinderin atap aıtty.

V Nýr-Sýltan takje prıbyl gýmanıtarnaıa pomosh ız Kıtaıa

Srazý po prılıotý eshıo na bortý ý kıtaıskıh medıkov vzıalı analızy na KVI

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir