• USD 414.13
  • EUR 451.4
  • RUB 5.8
  • CNY 58.03

09 Sáýir, 2020 NEWS

Merkilik dáriger bas dárigerdiń orynbasarymen bolǵan áńgimeni jarııalady

facebook

Jambyl oblysy Merki aýdandyq ortalyq aýrýhanasynyń Tolqynaı Ordabaeva atty ınfeksıonıst dárigeri qyzmet barysynda  koronavırýs juqtyrǵanyn, medısınalyq mekeme ákimshiligi dárigerlerge qysym kórsetkenin áleýmettik jelidegi paraqshasynda jazǵan. Dáriger búgin taǵy da jazba qaldyryp, aýdandyq aýrýhana bas dárigeriniń orynbasary J.B. Shoıbekovamen bolǵan ekeýara áńgimeniń skrınshotyn jarııalady.

Whatsapp jelisindegi áńgime tómendegideı órbigen.

Shoıbekova: – Sen mamandyǵyńnan qashyp júrsiń ǵoı.

Ordabaeva: – Men aýyryp júrmin. Aýyrmaǵan adamdar da demalysqa shyǵyp jatyr.

Shoıbekova: – Negizi basqa aýdandarda tar sheńberli mamandardy aqysyz demalysqa jiberdi.

Ordabaeva: – Men naýryz aıy boıy uıatym úshin jumys istedim. Siz ar-uıaty bar adam bolsańyz, meni túsinesiz dep oılaımyn. Barlyq dárigerler ınfeksııa bólimin aınalyp ótip júrdi. Jolamaýǵa tyrysatyn. Men polıklınıkadaǵy jumysymdy tynysh qana istegim keledi. Shoraevany demalystan shaqyryńyzshy.

Shoıbekova: – Sen 60 jastaǵy kempir emessiń. Jylaı berme.

Ordabaeva: – Mundaı júkteme úshin maǵan naýryzda syıaqy da berilmedi.

Shoıbekova: – Shoraeva jumysqa ýaqyty kelgende shyǵady. Men týraly aıtýyńdy qoımasań, jala japty dep jaýapqa tartqyzamyn. Men seniń anańnan úlken adammyn.

Ordabaeva: – Meniń anam sizden úlken.

Shoıbekova: – Sen ózi dáriger emes, saýdager dáriger ekensiń.

Ordabaeva: – Qaltańda aqsha kóp bolǵanda bulaı dep aıtý ońaı. Al men kedeı, jas mamanmyn. Men ómirimdi qaterge tigemin.

Eske sala ketsek, buǵan deıin Jambyl oblysynda emhana basshylyǵy dárigerlerdiń koronavırýs juqtyrǵanyn jasyryp otyrǵany habarlanǵan bolatyn.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir