08 Sáýir, 2020 NEWS

589 myń almatylyqqa zeınetaqy men járdemaqy beriledi

almaty.gov.kz

Almaty qalasy ákimdiginiń baspasóz ortalyǵynda ótken brıfıngte Eńbek, áleýmettik qorǵaý jáne kóshi-qon komıtetiniń Almaty qalasy boıynsha departamentiniń basshysy Aıdynjan Narmatov prezıdenttiń tapsyrmasy boıynsha sáýir aıynan bastap almatylyq 589 myń adamǵa zeınetaqy men járdemaqy beriletinin málimdedi.

Spıker Qazaqstan Respýblıkasynyń Eńbek jáne halyqty áleýmettik qorǵaý mınıstiriniń 2020 jylǵy 25 naýryzdaǵy № 109 buıryǵymen bekitilgen Tótenshe jaǵdaı kezeńinde áleýmettik-eńbek salasyndaǵy keıbir memlekettik qyzmetterdi kórsetý qaǵıdalarynyń, Tótenshe jaǵdaı kezeńinde múgedektigi boıynsha memlekettik áleýmettik járdemaqyny jáne eńbek etý qabiletinen aıyrylý jaǵdaıyna áleýmettik tólemdi júzege asyrý tártibiniń erekshelikterin túsindirip berdi.

– О́zderińiz biletindeı, Tótenshe jaǵdaı kezeńinde memlekettik qyzmetterdi kórsetý «Elektrondyq úkimet» veb-portalyndaǵy «Elektrondyq ótinish» servısi arqyly elektrondyq ótinish negizinde júzege asyrylady. Sondyqtan medısınalyq-áleýmettik saraptama bólimine barýdyń qajeti joq, memlekettik qyzmet syrttaı júrgiziledi, – dedi A. Narmatov.

Tótenshe jaǵdaı kezeńinde osy «Múgedektikti jáne/nemese eńbek etý qabiletinen aıyrylý dárejesin belgileý jáne/nemese qajetti áleýmettik qorǵaý sharalaryn aıqyndaý» memlekettik qyzmetin kórsetý tártibiniń erekshelikterin naqtyraq aıtatyn bolsaq, Múgedektikti jáne/nemese eńbek etý qabiletinen aıyrylý dárejesin jáne/nemese qajetti áleýmettik qorǵaý sharalaryn belgileýdi MÁS bólimderi «Medısınalyq-áleýmettik saraptama júrgizý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qańtardaǵy № 44 buıryǵymen bekitilgen Medısınalyq-áleýmettik saraptama júrgizý qaǵıdalaryna sáıkes kýálandyrylatyn adamdy múgedektik belgilengen kúnnen bastap alty aı ishinde baqylap tekserip, bir jyldan aspaıtyn merzimge syrttaı júrgizedi.

Aıdynjan Jańaberdiulynyń aıtýynsha, qaıta kýálandyrý merzimi tótenshe jaǵdaı engizilgenge deıin bir aıdan aspaıtyn merzim ishinde jáne tótenshe jaǵdaı ýaqytynda kelgen adamdarǵa múgedektiktiń, jalpy eńbek etý qabiletinen aıyrylý dárejesiniń, kásiptik eńbek etý qabiletinen aıyrylý dárejesiniń jáne múgedekti ońaltýdyń jeke baǵdarlamasynyń merzimderi tótenshe jaǵdaı oryn alǵan kezeńde avtomatty túrde uzartylady eken.

Múgedektigi boıynsha memlekettik áleýmettik járdemaqy jáne (nemese) eńbek etý qabiletinen aıyrylý jaǵdaıyna áleýmettik tólem alýshylar bolyp tabylatyn adamdarǵa tótenshe jaǵdaı kezeńinde tólemder budan buryn belgilengen múgedektik tobyna jáne (nemese) jalpy eńbek etý qabiletinen aıyrylý dárejesine sáıkes tótenshe jaǵdaı rejımi aıaqtalǵan aıdy qosa alǵanǵa deıin tólenedi.

– 2020 jyldyń 1 sáýirine deıin taǵaıyndalǵan jasy men eńbek ótili boıynsha zeınetaqy tólemderiniń mólsheri 2020 jyldyń 1 sáýirinen bastap alynǵan somanyń 5%-yna artady. Memlekettik bazalyq zeınetaqy tóleminiń jáne basqa da memlekettik áleýmettik járdemaqylardyń, memlekettik arnaıy járdemaqylardyń mólsheri eń tómengi kúnkóris deńgeıi men aılyq eseptik kórsetkishtiń ulǵaıýyna baılanysty birinshi sáýirden bastap ósetin bolady, – dep sózin qorytyndylady departament basshysy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir