Búgingi kúni 8 sáýirde Qalalyq juqpaly aýrýlar stasıonarynda em alǵan taǵy eki pasıent emdeýden shyǵaryldy, bul týraly Almaty qalasy Qoǵamdyq densaýlyq basqarmasynyń basshysy Tileýhan Ábildaev habarlady.

– Bul 1989 jyly týǵan er adam jáne 1990 jyly týǵan áıel. Olar buǵan deıin anyqtalǵan pasıentpen baılanysta bolǵan, ekeýi de 13 naýryzda Máskeý – Almaty reısimen ushyp kelgen, – dedi ol.

Er adamnyń aýrýy jeńil ótip ketti, al áıel adamnyń jaı-kúıi ortasha aýyrlyq dárejesi retinde baǵalandy, sondaı-aq «Oń jaqty ústińgi aımaqty bronh demikpesi» dıagnozy qoıyldy.

– Búginde ekeýi de ózin jaqsy sezinip, 14 kúndik úı karantınine shyǵaryldy, – dep Qoǵamdyq densaýlyq basqarmasynyń basshysy qosymsha habarlady.

Osylaısha, qazirgi ýaqytta megapolıs boıynsha koronavırýstyq ınfeksııadan saýyǵyp shyqqan adamdar sany 23 adamdy quraıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir