Almatynyń qoǵamdyq kólikterinde jolaýshylar azaıdy

Almaty qalasynyń ákimdiginiń baspasóz ortalyǵynda qalalyq mobıldilik basqarmasynyń basshysy Saǵyndyq Telibaev qalada qoǵamdyq kólikte jolaýshylar azaıǵanyn onlaın brıfıng aıtty.

– Almaty qalasynda karantın tártibiniń engizilýine jáne barlyq uıymdardyń jumys ýaqytynyń qysqarýyna baılanysty qoǵamdyq kóliktiń jumys ýaqytyn saǵat 19.00-ge deıin qysqartý týraly sheshim qabyldanǵan edi. Sońǵy aptada jolaýshylar aǵynynyń 80%-dan astamynyń azaıǵany baıqaldy, – dep atap ótti Saǵyndyq Telibaev.

Basqarma basshysynyń aıtýynsha, búginde 114 baǵyt boıynsha 991 avtobýs qyzmet kórsetip júr. Bir avtobýstaǵy ortasha jolaýshylar aǵyny kúnine 107 adamdy quraıdy. Osylaısha, bir reıstegi jolaýshylar aǵyny 25 adamnan aspaıdy. Bul jolaýshylar arasyndaǵy qajetti qaýipsiz qashyqtyqty qamtamasyz etedi.

– Jalpy, qala boıynsha qoǵamdyq kólikte koronavırýstyq ınfeksııanyń taralýynyń aldyn alý úshin "Almaty qalasynyń dezınfeksııa ortalyǵy" ShJQ RMK, "Nur Tansyq" JShS jáne "IC Development" JShS mamandandyrylǵan kompanııalarymen barlyq avtobýstarda dezınfeksııalaý jumystary turaqty túrde júrgizilip otyr. Máselen, salondardy dezınfeksııalaý túngi ýaqytta barlyq 16 avtoparkte júrgiziledi. Shanaqty jýǵannan keıin salondy ylǵaldy jınaý júrgiziledi, sodan keıin baryp dezınfeksııa jumysy bastalady. Avtobýstardyń esikteri mindetti túrde jabylady. Kúndizgi mezgildi árbir sońǵy aıaldamalarda avtobýs bitkenniń salondaryn dezınfeksııalap otyratyn mobıldi sanıtarlyq óńdeý posttary jumys isteıdi, – dedi spıker.

Ol qalaaralyq jáne qala mańyndaǵy marshrýttardyń jumysy toqtatylǵanyn jáne tótenshe jaǵdaı rejımi aıaqtalǵannan keıin ǵana qalany qalpyna keltirý josparlanǵanyn atap aıtty.

– Sonymen qatar, metropolıtendegi jolaýshylar aǵyny da 90%-ǵa tómendedi. Soǵan qaramastan, metroda kún saıyn shtattyq rejımde 4 jyljymaly quram jumys istep jatyr. Sońǵy depolarda vagondarǵa dezınfeksııa júrgiziledi. Stansalar árbir 2 saǵat saıyn, vagondar árbir reıs saıyn dezınfeksııalanady, – dedi S. Telibaev.

Brıfıngte basqarma basshysy júrgizýshiler jalaqysynyń ózgerissiz qalǵanyn, sonymen qatar tańerteń árbir júrgizýshiniń jumys bastalar aldynda dene qyzýy men jalpy jaǵdaıy tekseriletinin qadap aıtty.

–Eger qyzmetker óz densaýlyǵyna shaǵymdansa, onda koronavırýstyq ınfeksııanyń taralýyn boldyrmaý úshin mindetti túrde jedel járdem shaqyrylady. Barlyq qyzmetkerler betperde jáne qolǵaptarmen tolyq qamtamasyz etilgen. Osy oraıda men qoǵamdyq kólikti paıdalanatyn barlyq jolaýshylarǵa úıge kelgen kezde qoldaryn muqııat jýyp, barlyq qaýipsizdik sharalaryn saqtaýǵa shaqyramyn, – dep Saǵyndyq Telibaev sózin túıindedi.