Qazaqstanda koronavırýsqa shaldyqqandar sany 700-den asty

Sońǵy derekke saı, elde koronavırýs indetin juqtyrǵan taǵy 7 jaǵdaı tirkeldi. Onyń 4-eýi Atyraý oblysynda, 3-eýi Qyzylorda oblysynda anyqtalǵan. Qazaqstan boıynsha koronavırýs anyqtalǵan naýqastar sany 704-ke jetti. 51 adam syrqattan jazylyp shyqsa, 6 adam ajal qushqan.

Jańa tirkelgen jaǵdaılar týraly densaýlyq saqtaý mınıstrligi taratqan aqparatqa sáıkes, Qyzylorda oblysynda aýrý juqtyrǵandardyń úsheýi de Syrdarııa aýdanynda tirkelgen. 

Barlyǵy da koronavırýstyq ınfeksııa juqtyrǵan adammen qarym-qatynasta bolýyna baılanysty karantındik stasıonarǵa jatqyzylyp, zerthanalyq synamalar alynǵan.

PTR dıagnostıkalyq zertteý qorytyndysy boıynsha COVID-19 dıagnozy naqtylandy.

Atyraý oblysyndaǵy 4 jaǵdaıdyń 3-eýi Atyraý qalasynda, 1-eýi Jylyoı aýdanynda anyqtalyp otyr. Olardyń barlyǵy vırýs juqtyrǵandarmen tyǵyz qarym-qatynasta bolǵan.

Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde.

Álem boıynsha koronavırýs indeti 1 mln 426 myń 609 adamdy sharpydy. Sońǵy táýlikte 78 myń 933 jańa jaǵdaı tirkelgen. Onyń ishinde 301 myń 828 adam aýrýdan aıyǵyp shyqsa, 81 myń 995 adam kóz jumǵan.

Vırýstyń taralýy órship turǵan úsh eldegi jaǵdaı tómendegideı:

AQSh

Shaldyqqandar – 396 224 (+28 144)
Jazylyp shyqqandar – 21 763 (+1 935)
Qaıtys bolǵandar – 12 844 (+1 921)

Ispanııa

Shaldyqqandar – 141 942 (+5 267)
Jazylyp shyqqandar – 43 208 (+2 771)
Qaıtys bolǵandar – 14 045 (+704)

Italııa
Shaldyqqandar – 135 586 (+3 039)
Jazylyp shyqqandar – 24 392 (+2 555)
Qaıtys bolǵandar – 17 127 (+604)