• USD 414.13
  • EUR 451.4
  • RUB 5.8
  • CNY 58.03

07 Sáýir, 2020 NEWS

Almatydaǵy blok-posttarda Qytaı azamattarynyń ne istep júrgeni belgili boldy

Qamshy.kz

Qamshy redaksııasyna oqyrmandardan Almatynyń shyǵys jaǵyndaǵy Talǵar tas jolyna qoıylǵan blok-bekette Qytaı azamattary júrgeni týraly aqparat kelip tústi. Atalǵan orynǵa barǵan Qamshy tilshisi Qytaı azamattary delingen adamdar blok-beketterge qoıylyp jatqan dene qyzýyn ólsheıtin quraldardy (teplovızor) iske qosatyn mamandar ekenin anyqtady.

Teplovızorlardy "Astana Motors" kompanııasy ornatyp jatyr. Talǵar trassasyndaǵy blok-beketke qoıylǵaly jatqan qurylǵynyń iske qosylý barysyn jeke qadaǵalaýǵa kelgen "Astana Grýpp" holdınginiń ıesi Nurlan Smaǵulov qurylǵy ozyqtyǵymen erekshelenetinin aıtty.

a

Kásipker Nurlan Smaǵulovtyń jýrnalısterge pikir bildirý sáti

– Biz qoǵam aldyndaǵy áleýmettik mindetimizdi tolyqtaı sezinemiz. Alǵash teplovızorlardy Mega saýda ortalyqtaryna qoıdyq. Qurylǵy  bir mezette 30 adamnyń dene qyzýyn ólsheýge qaýqarly. Ári dál kórsetedi. Qatelesip, bir-eki gradýsqa aýytqymaıdy. Keıinirek mundaı paıdaly qurylǵylardy qalalarymyzdaǵy adam kóp kirip-shyǵatyn blok-beketterge nege ornatpasqa degen oıǵa keldik. Teplovızorlardy Almaty boıynsha Talǵar trassasyndaǵy beketten bólek, Qulja, Qapshaǵaı, Taý samaly tas joldaryndaǵy sondaı-aq Altyn Orda bazary mańyndaǵy beketterge ornatyp jatyrmyz. Almatymen qatar Nur-Sultan, Shymkent, Qaraǵandy qalalaryna da osyndaı teplovızorlar qoıylady. Qurylǵylardy shanhaılyq áriptesterimizben yntymaqtasa ornatyp jatyrmyz, – degen kásipker koronavırýs indetinen qutylyp, qazaqstandyqtardyń ádettegi ómir-saltyna tezirek oralýyna tilektestik bildirdi.

Qamshy tilshisi blok-beketten Qytaı azamattaryn kezdestirmedi. Olar qurylǵyǵa tehnıkalyq qoldaý kórsetý kezinde ǵana keletini belgili boldy.

a

a

О́tkizý pýnktindegi shatyr ishine qoıylǵan teplovızor

Talǵar trassasy boıyndaǵy blok-bekette jaǵdaı belgilengen tártipte júrip jatyr.

Beketten azyq-túlik taýarlary men medısınalyq qajettilikter tasıtyn kólikterdiń kirip-shyǵýǵa ruhsat beretin qujattary tekserilip, ótkizilýde.

a

a

Blok-bekette tekserilip jatqan kólikter

Blok-beketke "ótkizip qalar" degen oımen kelgen birneshe azamat júr. Solardyń biri Dýman yqshamaýdanynda qaraýyl bolyp isteıtin Talǵar aýdanynyń turǵyny (esimin ataýdan bas tartty) 15 kúndik jumysynan shyǵyp, úıine qaıta almaı júrgenin, beketti kúzetýshiler ózin ótkizbeı turǵanyn aıtty.

"Beketterden eshkimdi ótkizbeıtinin estidim, sonda da ótkizip qalar degen oımen kelip edim" degen Talǵar aýdanynyń turǵyny otbasyna orala almasa, "beket ashylǵanǵa deıin týystarymdikinde bolam, endi basqa ne isteımin.  Oǵan deıin smenim kelse, jumysqa shyǵa beremin" deıdi.

Blok-bekettiń eki jaǵynda turyp bir-birine qujattar, paketke salynǵan zattar berip jiberip jatqandar da bar. Polısııa qyzmetkerleri bekettiń bir jaǵynan ustatyp jibergen zatty bekettiń ekinshi jaǵyna jetkizip berýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir