• USD 413.12
  • EUR 452.86
  • RUB 5.82
  • CNY 57.92

06 Sáýir, 2020 NEWS

О́skemende kásipkerlerge arnaıy ruqsatnama qaǵazdary berildi

news.myseldon.com

О́skemendik kásipkerler ruqsat qaǵazdaryn eshqandaı qıyndyqsyz alyp jatyr. Qaladaǵy №38 mektepke arnaıy barǵan aımaq basshysy Danıal Ahmetov jaǵdaıdy óz kózimen kórip, ondaǵy adamdarmen tildesti.

Osydan birer kún buryn áleýmettik jelide «Arnaıy ruqsat qaǵazyn alýǵa kelgen kásipkerler qalalyq ákimdiktiń aldynda kúni boıy kezek kútip, tıisti qujattaryn ala almaı tarqasty» degen aqparat jarııalanǵan bolatyn. Izinshe jeli qoldanýshylary ruqsattamalardyń jetpeı qalǵanyn, al ol qujatsyz shekteý kezinde qalada júrip-turýdyń qıynǵa soǵatynyn aıtyp, ájeptáýir dúrlikken-di.

– О́zderińiz kórip turǵandaı, adamdar ruqsattamany esh kedergisiz alyp jatyr. Olarǵa 200-deı adam qyzmet kórsetýde. Aıtalyq, bes-alty mınýtta shamamen júz shaqty adam ruqsat qaǵazyn alyp úlgerdi. Dál osyndaı jumystar árbir ákimdikte júrgizilip jatyr. Az ýaqytta barlyq tıisti mekemeler men kásipkerler qamtylatyn bolady. Qazirgi jaǵdaıda bizge bul óte qajet. Ruqsat qaǵazy eń aldymen tártipti saqtaýǵa jáne kóshedegi adamdardyń sanyn eki esege deıin shekteýge kómektesedi. Koronavırýstyń aldyn alyp, taralýyn tejeý maqsatynda osyndaı qadamǵa baryp otyrmyz, – degen oblys ákimi Danıal Ahmetov tótenshe jaǵdaı kezindegi talaptar týraly qala turǵyndaryna aldyn ala túsindirý jumystary júrgizilgenin eskertti.

Iá, aımaq basshysy aıtqandaı, oblystyq «Dıdar» jáne «Rýdnyı Altaı» gazetteriniń arnaıy shyǵarylymynda, sondaı-aq, oblys, qala ákimderiniń áleýmettik jelidegi resmı paraqshasynda tótenshe jaǵdaı kezindegi shekteý sharalary týraly tolyq maǵulmat berilgen. Degenmen keıbir adamdar tarapynan azdaǵan túsinispeýshilik týyndaǵanymen, halyqtyń deni shekteý sharalarynyń engizilýin qoldap otyr.

– Keıbir máselede túsinbeı jatqan tustarymyz bar. Jasyratyn nesi bar?! Biraq búgin osy jerge kelip, ákimdiktiń mamandarynan bárin surap, bildik. Men - jeke kásipkermin. Un-toqash ónimderin óndirip, jetkizýmen aınalysamyn. Maǵan jasyl tústi arnaıy ruqsat qaǵazyn berdi. Endi esh kedergisiz kórsetilgen ýaqytta jumys isteı beremin. Jaqsy boldy, – deıdi ózin Erkebulan dep tanystyrǵan óskemendik kásipker.

Aımaq basshysy aldaǵy birer kúnde gazet jáne áleýmettik jeli arqyly taǵy da qosymsha aqparattar beriletinin jetkizip, halyqty sabyr saqtap, tártipti buzbaýǵa shaqyrdy.

– Biz mynany uǵýymyz kerek. Ár shańyraqqa berilip jatqan ruqsat qaǵazdary dúkenge, dárihanaǵa jáne bankke barýǵa ǵana qoldanylady. Máselen, jasyl tústi talonmen jup kúnderi, aq tústimen taq kúnderi syrtqa shyǵa alasyz. Biraq ruqsatym bar eken dep basqa sharýamen júrýge bolmaıdy. О́ıtkeni biz muny kóshedegi adamdardyń sanyn azaıtý úshin istep otyrmyz. Buǵan túsinistikpen qarańyzdar, – dep túıdi oblys ákimi.

Esterińizge sala keteıik, búginnen bastap, ıaǵnı sáýirdiń 6-synan bastap О́skemen men Semeıde shekteý sharalary kúsheıtilip, qos qalaǵa kirip-shyǵýǵa qatań tyıym salyndy. Arnaıy ruqsat qaǵazy bar kólikter men «jasyl dáliz» arqyly júretin azyq-túlik jáne birinshi qajettiliktegi taýarlardy tasymaldaýshylarǵa ǵana qalaǵa kirýge ruqsat berilgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir