• USD 468.56

  • EUR 497.56

  • RUB 7.3

  • CNY 67.18

29 Naýryz, 13:06:41
Almaty
+35°

Barlyq elderdiń sottary koronavırýstyń taralý qateri jaǵdaıynda birqatar aldyn alý sharalaryn qabyldady.

Olar jańa jaǵdaılarda jumys isteýdegi óz tájirıbelerimen CEPEJ halyqaralyq uıymynyń arnaıy qurylǵan blogynda bólisip otyrady. Qazaqstan onda sottardyń tolyǵymen onlaın jumysqa kóshkenin, prosesterdiń keıinge qaldyrylǵanyn jáne tatýlastyrýdy nasıhattaý týraly habarlady.

Sottardyń qyzmetin qamtamasyz etý departamentiniń basshysy Naıl Ahmetzakırov atap ótkendeı, bul sharalardy adamdardyń sotta qorǵalýyna konstıtýsııalyq quqyqty qamtamasyz etý úshin Joǵarǵy Sot jáne ol basqaryp otyrǵan vedomstvo tótenshe jaǵdaı kezeńinde ózge obektilerge, onyń ishinde sot ǵımarattaryna barý karantındi buzýmen teń dárejede bolyp otyrǵan kezde qabyldady. TJ engizgenge deıin respýblıka sottarynyń is júrgizýinde 106 myń is pen materıal boldy. Bul prosesterge 326 myń qatysýshy tartyldy. Iаǵnı kúnine keminde 3 myń sot otyrysy kem degende 15 myń adamnyń qatysýymen ótti.

– TJ kezinde bizdiń elektrondy sot isin júrgizýdi damytý deńgeıi emtıhannan sátti ótti deýge bolady. Ol óziniń ómirsheńdigi men qoǵamnyń suranysyna qaraı ózgere alatyndyǵyn kórsetti, – dep sanaıdy N.Ahmetzakırov.

Sot qyzmet kórsetýleri

«Sot kabınetin» paıdalanýshylar – barlyq sot qyzmetterine qoljetimdiliktiń biryńǵaı elektrondyq terezesin úıden shyqpaı-aq kez kelgen gadjetten sotqa elektrondyq ótinishterdiń 90-nan astam túrin jibere alady. SK-niń mobıldi nusqasyn tegin kóshirip alýǵa bolady. SK ótinishtiń tirkelýin, onyń sottaǵy qoldanysyn (mártebesin) kórýge, sot aktisin jáne otyrystyń aýdıo- beınejazbasyn alýǵa múmkindik beredi.

SK qujat aınalymy men pochta boıynsha qarajatty edáýir únemdeıdi. Servıs jedel ári qaýipsizdikti qamtamasyz etedi. Biraq, eń aldymen, ol taraptarǵa óziniń ornalasqan jerine qaramastan, sotqa barmaı-aq otyrysqa qatysýǵa múmkindik beredi. Ol úshin oǵan SK boıynsha aryz berý jetkilikti, ol sotqa beınekonferens baılanys arqyly shyǵý ýaqyty týraly habarlaıdy.

Karantın tek qana sottarda elektrondyq qujat aınalymynyń «ósýine» ákep soqty. Qazir respýblıka sottary SK arqyly ótinishterdiń 90 %-dan astamyn qabyldaıdy.

– Adamdarǵa qaǵaz júzindegi hattardy jiberýdiń mańyzsyz ekenin túsinetin kez keldi – dezınfeksııalaýdan keıin barlyq qaǵaz qujattary mindetti túrde elektrondyq formatqa kóshiriledi, – dedi N.Ahmetzakırov.

Júktemeni arttyrý, árıne, servıs jyldamdyǵyna áser etedi. Bul kúnderi sottardyń IT-mamandary kúsheıtilgen rejımde jumys isteıdi.

BKB tolyqqandy sot prosesi

N. Ahmetzakırov barlyq sottarǵa sot isterin beınekonferens baılanys arqyly qashyqtan ótkizý usynylǵanyn habarlady. Bul rette olardyń: stasıonarlyq (polısııa jáne prokýratýra ǵımaratynan) nemese utqyr (mesendjerler arqyly smartfon, planshet, noýtbýk arqyly) júrgiziletini mańyzdy emes.

Qashyqtan ótetin sot prosesi dástúrli sot prosesinen ótkizý tásilimen ǵana erekshelenedi. Onlaın-prosester sot otyrysynyń elektrondyq hattamasynda – aýdıo, beınetirkeý de tirkeledi.

– Bul kúnderi sot prosesteriniń 90%-y beınekonferens baılanys arqyly júrgiziledi. Sáýir aıynyń sońyna deıin onyń qoldanylýyn 100%-ǵa deıin jetkizý josparlanyp otyr. Bul mindetti sheshýge sottardaǵy IT-tehnologııalar múmkindik beredi, – dep túıindedi N.Ahmetzakırov.

Júıe boıynsha belgili bir olqylyqtar da bar, olar da júktememen baılanysty bolyp otyr. Olardy joıý úshin barlyq 390 sot 237 mobıldi beınekonferens baılanys serverimen jabdyqtalǵan.

TJ rejıminde sot isin júrgizýdi uıymdastyrý

Sýdıalar sot tóreligin qashyqtan júzege asyrady. Shuǵyl isterdi keste boıynsha qaraıdy.

Sýdıalar men sot qyzmetkerleri BAQ pen áleýmettik jelilerde TJ jaǵdaıynda sottardyń qalaı jumys isteıtinin, elektrondyq sot isin júrgizýlerdiń artyqshylyqtary men múmkindikterin, IT-servısteriniń jumysyn, sondaı-aq talap qoıý merzimi men shaǵymdaný merzimderin qosa alǵanda, is júrgizý merzimderin uzartý jáne qalpyna keltirý týraly zańnama normalaryn belsendi túrde túsindirdi.

Azamattardy qabyldaý, semınarlar men "dóńgelek ústelder" ótkizý toqtatyldy. Sottar temperatýrany ólsheý quraldarymen, kvars shamdarymen, antıseptıktermen, betperdelermen qamtamasyz etilgen. Úı-jaılardy sanıtarlyq óńdeý únemi júrgiziledi, kelýshilerge betperde tegin taratylady. Sýdıalar men sot qyzmetkerleriniń, sondaı-aq sot ǵımarattaryndaǵy ózge de adamdardyń aýrý belgileri baıqalǵanda olardy oqshaýlaýǵa shuǵyl sharalar qoldanylady jáne jedel medısınalyq kómek shaqyrylady.

"Qamshy" silteıdi
Ilmek sózder: sot kabıneti

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir