Mınıstr 42 500 teńge kólemindegi járdemaqyny kimder alatynyn aıtty

QR Eńbek jáne áleýmettik qorǵaý mınıstri Birjan Nurymbetov 42 500 teńge kólemindegi járdemaqyny kimder alatynyn aıtty. 

– Birinshiden 42 500 teńge – memleketten saqtandyrý qorynan tólenetin áleýmettik tólem. Ol jumys istep júrgen azamattarǵa, ár túrli tirshilik jasap resmı, beıresmı. Biraq tótenshe jaǵdaıǵa qatysty tabysynan aıyrylǵan adamdarǵa qarastyrylǵan tólem, – dedi mınıstr .

Sonymen qatar ol kásipker azamattarǵa úkimet tarapynan salyq, nesıe, kommýnaldyq shyǵyndardy tóleý merzimin keıinge shegerýge qatysty kóptegen jeńildikter qarastyrylyp jatqanyn jáne az qamtylǵan, kópbalaly otbasylar, múgedek jandar jasyna, sanatyna qaramastan, múgedek balany tárbıelep otyrǵan ata-analar, resmı jumyssyz retinde tirkelgen adamdarǵa bıýdjettiń esebinen, «Biz birgemiz» qorynyń esebinen jáne elimizdegi patrıot azamattardyń atynan azyq-túlik toptamalary jáne aqshalaı kómek kórsetilip jatqanyn atap ótti.