Almatyda 2 adam koronavırýs ınfeksııasynan emdelip shyqty

Almatyda 2 adam koronavırýs indetinen emdelip shyqty. Bul týraly qala ákiminiń baspasóz qyzmeti habarlady.

"Búgin koronavırýs dertinen aıyqqan taǵy eki pasıent úılerine jiberildi. Bul 1997 jáne 1998 jylǵy eki boıjetken. Olardyń biri 15 naýryzda Ystanbul-Almaty reısimen ushyp kelgen, ekinshisi vırýs anyqtalǵan adammen baılanysta bolǵan" delingen ákimdik taratqan habarlamada.

Qazaqstan boıynsha koronovırýs ınfeksııasynan jazylǵandar sany 44-ke jetti. Al sońǵy málimet boıynsha elimizde 584 jaǵdaı tirkelgen.

Almaty qalasynda koronavırýs juqtyrýdyń 116 oqıǵasy tirkeldi. Aýrýǵa shaldyqqandarmen baılanysta bolǵan alty adamnan vırýs anyqtalǵan.

Qazirgi kezde qalanyń ınfeksııalyq stasıonarlarynda COVID-19 dıagnozy qoıylǵan 96 pasıent jatyr, olardyń biri – Almaty oblysynyń turǵyny.

79 naýqastyń jaǵdaıy qanaǵattanarlyq. Eresek eki adamnyń jaǵdaıy óte aýyr, taǵy ekeýiniń jaǵdaıy aýyr, 13 adam – ortasha aýyr halde jatyr. 

Búginde Almatyda 21 adam aýrýhanadan shyǵaryldy, sonyń ishinde eki bala bar. Olardyń barlyǵy 14 kúndik úı jaǵdaıyndaǵy karantınde jatyr.

Qazirgi kezde ýaqytsha ortalyqtarda 521 adam bar, sonyń ishinde 79-y – bala.

Eki kúndik karantınde 390 azamat (48 bala), al úı jaǵdaıyndaǵy karantınde – 4 805 adam jatyr.