05 Sáýir, 2020 Álem
Tramp: Birinshi jáne ekinshi dúnıejúzilik soǵysta da mundaı ólim bolmaǵan
AQSh prezıdent Donald Tramp amerıkalyqtarǵa aldaǵy kúnderi koronavırýs boıynsha ólim-jitimniń úlken qarqyn alatynyn aıtty.
abc.net.au
Qazirgi tańda álem boıynsha COVID-19 vırýsyn juqtyrǵandar Amerıka Qurama Shtattarynda kóp tirkelip otyr. Reuters agenttiginiń habarlaýynsha, AQSh-ta koronavırýs juqtyrǵan 306 myńnan astam tirkelip, 8,3 myńnan astam adam pandemııadan kóz jumǵan.
– Biz óte qorqynyshty kezeńge kele jatyrmyz. Biz mundaı sandaǵy ólim-jitimdi kórgen emespiz. Múmkin, soǵys kezinde, birinshi nemese ekinshi dúnıejúzilik soǵys kezinde de kórmedik, – dedi Donald Tramp Aq úıdegi brıfıngte.
Aq úı medısına mamandarynyń aıtýynsha, úıde bolýǵa qatysty buıryqtar oryndalsa da pandemııa kezinde 100 myńnan 240 myńǵa deıin mólsherdegi amerıkalyq qaıtys bolýy múmkin.
Nıý-Iork gýbernatory Endro Kýomo "bizdiń shtatta sońǵy 24 saǵat ishinde koronavırýs 630 adamnyń ómirin qıdy" dep habarlady.
Qazirge deıin Nıý-Iorkte pandemııadan 3565 adam kóz jumdy. Ásirese, Nıý-Iorktiń shyǵysyndaǵy Long-Aılendte jaǵdaı órship tur. Ondaǵy jaǵdaı "órt sııaqty" dedi Kýomo baspasóz máslıhatynda.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir