05 Sáýir, 2020 NEWS

О́skemen men Semeıde shekteý sharalary kúsheıtildi

Demalys kúnderi jeke kólikpen júrýge tyıym salyndy.

Qamshy.kz

6 sáýirden bastap О́skemen men Semeı qalasynda adamdardyń júrip-turýy shekteledi. Oǵan qala turǵyndary túsinistik tanytýda.

Eki qala turǵyndary koronavırýstyq ınfeksııanyń taralýyna jol bermeý maqsatynda ózderin oqshaýlaýǵa kóshti.

a

Búginde qala kóshelerinde júrginshiler sany azaıdy. Al kóshelerde arnaıy kólikter ǵana júrip jatyr.

Turǵyndar qajettilik týyndaǵan jaǵdaıda turǵylyqty mekenjaıy boıynsha azyq-túlik dúkenderi men dárihanalarǵa, sondaı-aq bank bólimshelerine bara alady. Sonymen qatar adamdar qoǵamdyq kóliktermen (avtobýstar men tramvaılar) qatynaı alady.

Esterińizge sala keteıik, 6 sáýirden bastap óskemendikter men semeılikter úıden shyǵý úshin ruqsat qaǵazdaryn alýy kerek. Osy oraıda jasyl ruqsatnama aıdyń jup kúnderine ǵana jaramdy bolsa, aq ruqsatnama taq kúnderine arnalǵanyn atap ótken oryndy. Mundaı ruqsatnamalar jeke avtokólikterdiń júrgizýshilerine de beriledi.

Qala ishinde qatynaıtyn qoǵamdyq kólikter saǵat 06.00-den 19.30 aralyǵynda júretin bolady.

Túptep kelgende, bul sharalardyń barlyǵy koronavırýstyq ınfeksııanyń taralýyna jol bermeý úshin jasalyp jatqanyn atap ótken oryndy.

a

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir