Bilim jáne ǵylym vıse-mınıstri Sholpan Karınova qashyqtan oqytý kezinde ár pán boıynsha, baǵalaý júıesi bolady dep veb konferensııada málimdedi. Bul týraly 24.kz habarlady. 

Sholpan Karınovanyń aıtýynsha, ustazdar ózderine qolaıly ınternet-platformany tańdaı alady. Soǵan sáıkes, sabaq josparyn bekitip, oqýshylarǵa tapsyrma beredi. Al baǵalaý júıesi elektrondy túrde nemese osyǵan deıin qoldanylyp kelgen qaǵaz jýrnaldar arqyly júzege asyrylady.

Sonymen qatar onlaın oqytý erteń bastalatynyn jáne jaýapty mınıstrlik ókilderi búgin mektep dırektorlarymen baılanysqa shyǵyp, dáris barysyn pysyqtaıdy dep málimdedi. Eger ata-analar men oqýshylardyń onlaın baılanysqa shyǵýǵa múmkindikteri bolmasa, onda oqytý júıesi poshta arqyly uıymdastyrylatynyn da atap ótti.

Tórtinshi toqsan aıasynda mektep oqýshylaryna telesabaqtar qalaı ótkiziletinin eske sala keteıik:

  • Telesabaqtar tıisti kestege sáıkes ótkiziledi, sabaq tańǵy saǵat 9:00-de bastalady. Birinshiden, telearnalar arqyly sabaqtar bul «Balapan», «El arna» arqyly ótkiziledi. Sabaq bireýinde qazaqsha, ekinshisinde orys tilinde júrgiziledi. Kúnine 8 saǵattan efır belgilengen. 
  • Qashyqtan oqytý aıasynda árbir muǵalimniń shyǵarmashylyq qadamy eskeriledi. Buryndary sabaq 08:00-de bastalyp, odan keıin 10 mınýt úzilis berilip, qaıtadan kelesi sabaq bolatyn. Al qashyqtan oqytý ózgeshe júrgiziledi. Mektep dırektorlary muǵalimderden esep berýdi talap etpeıdi. Muǵalim ár balamen jekeleı ótken materıaldy pysyqtaıdy.
  • Telesabaqtyń árqaısy 10 mınýtqa sozylady. Osydan keıin ótken taqyryp boıynsha muǵalim qosymsha materıal usynýy kerek. Oqý quralyna negizdele otyryp, oqýshylar úshin úı tapsyrmasyn daıyndaý qajet. Eger ınternetke qosylý múmkindigi bolsa, onda «Bilimland», «Kúndelik», «Daryn onlaın» sekildi oqytý tuǵyrnamalaryn qosymsha paıdalanýǵa keńes berilgen.
  • Keri baılanysty elektrondy jýrnaldar arqyly iske asyrýǵa bolady. Alty myńnan astam mektep «Kúndelik» elektrondy jýrnalyna tirkelgen. Sonymen qatar, paıdalanýǵa bolatyn jýrnaldardyń basqa da túrleri bar. Eger olar qoljetimsiz bolsa, onda qaǵaz túrindegi dástúrli jýrnaldy paıdalaný múmkindigi bar. Muǵalim oqýshy qaı tapsyrmalardy oryndaǵanyn belgilip, balanyń jumysyn baǵalaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir