Kórneki sýret
Qazaqstanda koronavırýsty taǵy 25 adam juqtyryp, bir adam qaıtys boldy. Indetten kóz jumǵandar sany 5-ke jetip otyr. Vırýs anyqtalǵandardyń jalpy sany – 525.
Qaıtys bolǵan 1947 jylǵy er adam Aqmola oblysy Selınograd aýdanynyń týmasy.
QazAqparattyń jazýynsha, 1 naýryzda naýqastyń jaǵdaıy nasharlap, tynys alý, júrek-tamyr qyzmetiniń jetkiliksizdigi joǵarylap, kúretamyrlyq qysym deńgeıiniń joǵary bolǵany baıqalǵan. Naýqas dıssırkýlıatorlyq ensefalopatııa dıagnozymen tirkeýde turǵan.
– 2 sáýirde naýqastyń bıologııalyq ólimi tirkelip, onyń denesi sot-medısınalyq saraptama úshin Nur-Sultan qalasyna jetkizildi. Zertteý júrgizý kezindegi seksıondyq materıalda COVID-19 anyqtaldy. Naýqas bolǵan jerde epıdemııaǵa qarsy sharalar júrgizilýde, sondaı-aq qarym-qatynasta bolǵan adamdar anyqtalýda, – Aqmola oblystyq densaýlyq saqtaý basqarmasynyń basshysy Súlen Ilıasov.
Qolda bar derek boıynsha eldegi koronavırýstyq jaǵdaı tómendegideı.
Qazaqstan boıynsha barlyǵy 525 jaǵdaı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir