04 Sáýir, 2020 NEWS
Bul emhana koronavırýs indetin juqtyrýy yqtımal jáne naýqas adamdarmen baılanysta bolǵan jandarǵa arnalady. Bul týraly Almaty qalasynyń ákimi Baqytjan Saǵyntaev óziniń Instagram paraqshasynda habarlady.
– Búgin emhananyń qurylysy bastalǵan alańda boldym. Bul emhana koronavırýs indetin juqtyrýy yqtımal jáne naýqas adamdarmen baılanysta bolǵan jandarǵa arnalady. Tez salynatyn modýldy qurylys jabdyǵynan boı kóteretin karantın ortalyǵy 280 adamǵa eseptelgen. Sonyń ishinde 28-i qarqyndy terapııa bólimshesine arnalady, – dedi B. Saǵyntaev.
Ol emhanany salý týraly sheshim vırýs pandemııasyna tap bolǵan basqa elderdiń tájirıbesi ári mamandardyń usynysy negizinde qabyldanǵanyn atap ótti.
– Bul – indetti der kezinde anyqtap, ony oqshaýlaýǵa jáne indetti juqtyrýshyny emdeýge múmkindik beredi. Osylaısha biz aýrýdyń taralý qaýpin aıtarlyqtaı tómendetip, qaladaǵy epıdemıologııalyq jaǵdaıdy turaqtandyra alamyz, – Almaty qalasynyń ákimi Baqytjan Saǵyntaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir