Telefonmen sóılesip turǵan Elbasynyń sýreti eski bolyp shyqty

Jýrnalıst Vadım Boreıko facebook paraqshasynda Elbasynyń baspasóz hatshysy Aıdos Úkibaıdyń Nursultan Nazarbaevtyń densaýlyǵy týraly áńgimege túsinik bergen jazbasy jaıly pikir bildirdi.

Jýrnalıst prezıdent Toqaev pen eks-prezıdent Nazarbaevtyń el aldyna shyqpaı ketkenin burynyraqta jazǵanyn atap ótken. 31 naýryzda Toqaev teledıdar arqyly úndeý jasaǵan soń oǵan qatysty másele kún tártibinen túskenin aıtyp, Elbasynyń 10 naýryzdan beri jurtshylyq aldyna shyqpaǵanyna, elbasy.kz saıtynyń jańarmaı turǵanyna nazar aýdardy.

Boreıko 3 sáýirde elbasy.kz saıty jarııalaǵan Nazarbaevtyń ákimdermen azamattar qaýipsizdigin talqylaǵany jónindegi aqparattyq habarlamada qoldanylǵan Elbasy telefondy qulaǵyna taqap turǵan sýrettiń eski ekenin anyqtaǵan. Sýret 2019 jylǵy 25 qazanda jarııalanǵan sýret fragmenti ekeni belgili boldy.

Jýrnalıst Aıdos Úkibaıdyń Elbasy densaýlyǵy týraly taratqan aqparatta "jalǵan", "arandatý" sózderiniń qoldanylýy baspasóz hatshydan góri, saıası debatta aıtylatyn sózderge kóbirek uqsaıdy dep sanaıdy.

Aıdos Úkibaıdyń karantınge baılanysty shekteý alynǵannan keıin Elbasynyń jumys barysynan beınejazba ázirleýge ýáde berýin Vadım Boreıko baspasóz hatshy Nursultan Nazarbaevtyń janynda emes ekenin aıǵaqtady degen pikirde.

Jýrnalıstiń oıynsha, Aıdos Úkibaıdyń jazbasynda baısaldy ýáj keltirilmegen. Tek emosııaǵa erik berilip, aıaýshylyq sezimin týdyrýǵa tyrysýshylyq bar. «Aǵaıyn, meniń sózime senińizder» degendi jetkizgisi keletindeı.