Túrkistan oblysynda karantın ýaqyty sozyldy

Túrkistan oblysyndaǵy karantın 17 sáýirge deıin sozylady, - dep habarlaıdy Qamshy.kz aqparat agenttigi Túrkistan oblysy ákimdigine silteme jasap. 

Azyq-túlik, dári-dármek satyp alýdy jáne jumysqa shyǵýdy qospaǵanda, turǵyndardyń úıden shyǵýy shekteledi.

Oblysaralyq, aýdanaralyq, qalaaralyq jolaýshylar tasymaly toqtatylady. Qoǵamdyq kólik tańǵy saǵat 06:00-den 20:00-ge deıin júredi.

Azyq-túlik dúkenderi men dárihanalardyń jumys ýaqyty 09:00-den 20:00-ge deıin, azyq-túlik bazarlary 10:00-den 17:00-ge deıin belgilendi.

Qoǵamdyq tamaqtanýdyń barlyq núkteleri onlaın tapsyrystardy jetkizý rejıminde tańǵy saǵat 08:00-den 20:00-ge deıin jumysqa kóshedi.

Ekinshi deńgeıli bankter, jeke notarıýstar 10:00 - den 16:00-ge deıin, al sulýlyq salondary, sheberhanalar jáne TJS 10:00-den 18:00-ge deıin jumys ýaqyty shekteýli.

Poshta bólimshelerinde, tólem pýnktterinde jáne bankterde 1,5-ten 2 metrge deıingi qashyqtyqta bes adamnan artyq kezekte turýǵa jol berilmeıdi.