Kórneki sýret
Qazaqstan aqparat jáne qoǵamdyq damý mınıstri Dáýren Abaev elde ulttyq qaýipsizdik úshin birneshe shara qolǵa alynǵanyn habarlady. Onyń sózinshe, prezıdent Qasym-Jomart Toqaevtyń áskerı mindettilerdi jıyndarǵa shaqyrý týraly shyǵarǵan sheshimi de ulttyq qaýipsizdik úshin.
"Keshe Memleket basshysy Qasym-Jomart Toqaev áskerı mindetti azamattardy arnaýly jıyndarǵa shaqyrý týraly qaýlysy shyqty. Búgin Nur-Sultan jáne Almaty qalalarynda jumys isteıtin kúnder ýaqyty 13 sáýirge deıin uzartyldy, Koronavırýs juqtyrǵandardyń statıstıkasy únemi jańarýda. Indet elimizdiń túgelge jýyq óńirine taraldy. Sondyqtan birqatar óńirlerde karantın talaptary kúsheıtildi. Bul sheshimniń barlyǵy ulttyq qaýipsizdik úshin qajet sharalar. Basty maqsat – eldiń qaýipsizdigi. Sondyqtan aıtylǵan talaptardy qatań saqtaý kerek. Qoǵam amandyǵynyń basty sharty osy" dedi Abaev.
Qazaqstanda koronavırýsqa baılanysty 15 naýryzdan beri tótenshe jaǵdaı. Budan bólek, indet keń taralýmaý úshin bılik birneshe qalany karantınge japqan. Keshe prezıdent Toqaev eldegi áskerı mindettilerdi arnaıy jıyndarǵa shaqyrý týraly qaýly etti.
Sońǵy derek boıynsha, elde 453 adam vırýs juqtyrǵan. Olardyń arasynda 28 medısına qyzmetkeri bar. Búginge deıin úsh adam kóz jumyp, 29 adam indetten aıyqty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir