42500 tg. áleýmettik tólemaqyny ESQ-syz alýǵa bolady

QR Sıfrlyq damý, ınnovasııalar jáne aeroǵarysh ónerkásibi mınıstrligi 42500 teńgelik áleýmettik tólemaqyny ESQ-syz qalaı alýǵa bolatyn túsindirdi.

Ol úshin paıdalanýshy:

1. eGov portalynyń alǵashqy betindegi Servıster bóliminen "TJ kezinde 42500 teńge tóleý" qyzmetin tańdańyz.

2. Júıege kirý úshin usynylǵan nusqalardyń ishinen JSN men telefon nómirin engize otyryp, "Bir rettik qupııa sózdi" tańdańyz.

3. SMS arqyly kelgen sandar kombınasııasyn engizgennen keıin, "Ári qaraı" batyrmasyn basyńyz.

4. "О́tinimińizdiń óńdelý ústinde" ekeni týraly aqparat kórsetiledi.

5. Nátıjeni portaldaǵy Jeke kabınetińizden kóre alasyz.

Eger júıe sizdiń mobıldi azamattar bazasynda tirkelmegenińizdi habarlasa, sol bette kórsetilgen silteme arqyly tirkelý kerek.

Tirkelý ne úshin qajet?

Sizge tıesili áleýmettik tólemge ózge bireý ıe bolmaýy úshin Júıege telefon nómirińizdi kórsetý arqyly ózińiz ekenińizdi rastaısyz.

Mobıldi azamattar bazasynda tirkelý úshin sizdi beıneqońyraý arqyly HQKO operatorymen baılanystyrady, ol sizdiń nómirińizdi bazaǵa engizedi.

Osydan keıin, siz bir rettik qupııa sóz arqyly ózińiz ekenińizdi rastap, qyzmetti alý úshin joǵaryda sıpattalǵan qadamdardy oryndaı alasyz.