Qazaqstanda tótenshe jaǵdaıǵa baılanysty memlekettik áleýmettik saqtandyrý qorynan beriletin áleýmettik tólemge ótinish berýge arnalǵan qosymsha servıs iske qosyldy. 

Servıs Enbek.kz elektrondyq eńbek bırjasynyń alańynda quryldy. MÁSQ-tan eń tómengi jalaqy – 42 500 teńge mólsherinde tólemge ótinish berý úshin kelesi qadamdardy oryndaý qajet:

1. 42500.enbek.kz saıtyna kirińiz;
2. «járdemaqy alý 42 500» tańdańyz;
3. ótinish berýshiniń aty-jóni, JSN, IBAN nemese jumys berýshiniń BSN, elektrondy poshtasy kórsetilgen nysandy (forma) toltyryńyz;
4. nysandy (forma) jiberý kerek;
5. júıe telefon nómirin suraıdy;
6. telefon nómirin SMS arqyly jiberilgen kodpen rastaý;
7. ótinish jiberildi.

О́tinishti óńdep, «Azamattarǵa arnalǵan úkimet» memlekettik korporasııasy» KEAQ derekterin teksergennen keıin, ótinish berýshi qabyldanǵan sheshim týraly SMS-habarlama alady, aqparat tólemdi taǵaıyndaý jáne tóleý úshin MÁSQ-qa jiberiledi.

Esterińizge sala keteıik, tótenshe jaǵdaılar kezinde tabysynan aıyrylý jaǵdaıyna baılanysty MÁSQ-tan áleýmettik tólem kelesi sanattaǵy azamattarǵa taǵaıyndalady:

  • orta, shaǵyn jáne mıkrobıznes sýbektileriniń qyzmetkerleri;
  • jeke kásipkerler (budan ári – JK);
  • jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator) (budan ári – JP);
  • biryńǵaı jıyntyq tólemdi tóleýshiler;
  • nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar (budan ári – AQS) boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdar;
  • karantın engizilgen eldi mekenderdegi iri bıznes sýbektileriniń qyzmetkerleri.

О́tinimderdi qarastyrýdyń jáne áleýmettik tólemderdi taǵaıyndaýdyń jalpy merzimi – 3 jumys kúni.

Eger siz beıresmı jumys istegen bolsańyz, 42500 tg. áleýmettik tólemaqyny ESQ-syz alýǵa bolady degen siltemege basyp, ótinish qaldyryp kórińiz.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir