02 Sáýir, 2020 Ekonomıka

Kásipkerler salyqtan bosatylyp, tekseris toqtatylady

primeminister.kz

QR Premer-Mınıstri Asqar Mamınniń tóraǵalyǵymen ótken Úkimettiń selektorlyq otyrysynda ulttyq ekonomıka mınıstri Rýslan Dálenov salyqtyq yntalandyrý men jeńildikter týraly baıandady, dep jazady primeminister.kz.

Iri saýda obektileri, saýda oıyn-saýyq ortalyqtary, kınozaldar, teatrlar, kórmeler, qoǵamdyq tamaqtandyrý, qonaq úı, hostel jáne týrıstik qyzmet obektilerin jyldyń sońyna deıin múlik salyǵynan bosatý ornatyldy.

– Salyq salýdyń jalpy belgilengen tártibinde jumys isteıtin jeke kásipkerler jyl sońyna deıin jeke tabys salyǵynan bosatyldy, – dedi R. Dálenov.

Sonymen qatar, áleýmettik mańyzy bar azyq-túlik taýarlary úshin qosylǵan qun salyǵynyń mólsherlemesi 30 naýryzdan 1 qazanǵa deıingi kezeńge 12%-dan 8%-ǵa deıin tómendetildi.

Ulttyq ekonomıka mınıstriniń aıtýynsha, shaǵyn jáne orta bıznesti eńbekaqy tóleý qorynan alynatyn salyq jáne áleýmettik tólemderden (jeke tabys salyǵy, áleýmettik salyq, mindetti zeınetaqy jarnalary, mindetti medısınalyq saqtandyrý jáne áleýmettik aýdarymdar) 6 aıǵa bıylǵy 1 qazanǵa deıin bosatý qarastyrylǵan.

Bul shara týrıstik qyzmet, qoǵamdyq tamaqtaný, qonaq úı bıznesi salalaryn, iri saýda obektilerin, saýda oıyn-saýyq ortalyqtaryn, kınozaldar, teatrlardy, kórmeler men dene shynyqtyrý-saýyqtyrý jáne sport ǵımarattaryn, kólik qyzmetterin, konsýltasııalyq qyzmetter men aqparattyq tehnologııalardy, tamaq ónimderin ótkizý men dárihanalardy qospaǵanda saýda sýbektilerin qamtıdy.

Budan basqa, tótenshe jaǵdaı kezeńinde salyqtyq tekserýler men salyq, keden jáne áleýmettik tólemder boıynsha bereshekti májbúrlep óndirý toqtatyldy. Jalpy, joǵaryda kórsetilgen barlyq sharalar 700 myń salyq tóleýshini qamtyıdy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir