• USD 468.56

  • EUR 497.56

  • RUB 7.3

  • CNY 67.18

29 Naýryz, 19:55:38
Almaty
+35°

Jambyl oblysynyń ákimi Berdibek Saparbaev tótenshe jaǵdaı tártibinde óńirdegi qashyqtan bilim berý boıynsha júrgizilgen jumystardy synǵa aldy, dep habarlaıdy Qamshy.kz aqparat agenttigi Jambyl oblysy ákiminiń baspasóz qyzmeti deregine súıenip.

Belgili bolǵandaı, Saparbaev jıynda qashyqtan bilim berý boıynsha atqarylýy tıis jumystardy talqylap, kem-ketikterdi syn-tezine alǵan.

«Kózboıaýshylyqpen aınalysýdy toqtatyńyzdar. Naqty ahýaldy kórsetińizder. Áıtpese, biz jaǵdaıdy jaqsarta almaımyz. Bul tek bilim berýde ǵana emes, óńirdegi barlyq salaǵa qatysty», - dedi aımaq basshysy.

"Aýdan" demekshi, osydan biraz ýaqyt buryn oblys ákimi Baızaq aýdanyna jumys saparymen barǵan. Onda ol  jergilikti mektepterdiń birinde bolyp, oqý ordasyndaǵy tehnıkalyq bazanyń adam shoshyrlyq deńgeıde ekenin baıqaǵan.

Jıyn barysynda bundaı kemshilikterdi qaıyra eske salǵan Berdibek Máshbekuly óńirdegi bilim sapasyn jetildirý boıynsha jumystardyń syn kótermeıtinin aıtqan.

«Tarazǵa jaqyn ornalasqan aýdandardaǵy mektep osyndaı bolsa, onda shalǵaı aýmaqtar týraly ne aıtýǵa bolady? Memleket basshysynyń qashyqtan oqytýǵa kóshý týraly tapsyrmasyn qalaı iske asyramyz?» – dedi B. Saparbaev.

Oblys ákimi aldyndaǵy talqylaý barysynda óńirde qashyqtan oqytý máselesiniń kúrdeli bolyp otyrǵany da aıtylmaı qalmaǵan.

Máselen, kóptegen aýdan mektepterinde kompıýterler men monoblok jetispeýde. Budan bólek, tup-týra uzyn sany 125 aýyldyq eldi meken ınternetpen qamtamasyz etilmegen. Al mundaı jaǵdaıda Saparbaev ákimdiginiń tótenshe jaǵdaı tártibinde Prezıdent tapsyrmasyna oraı qashyqtan oqytý máselesi týraly aıtýdyń ózi erte bolsa kerek-ti. 

Osy rette, aýyldardaǵy ınternet máselesin sheshýge múmkindigi bar delingen «Qazaqtelekom» AQ ulttyq baılanys operatorynyń ókili de oblys basshysyn qýanta almady. Dálirek aıtqanda, mundaı qysqa ýaqytta bul máseleni sheshýge qatysty Saparbaev saýalyna resmı ókil naqty jaýap bere almaǵan.

Nátıjesinde, Berdibek Saparbaevtyń qashyqtan bilim berý máselesine oraı óristetken talqysy ádettegideı oblystyq bilim basqarmasy basshysynyń mindetin atqarýshy Jámılá Bekbatyrovaǵa tapsyrmalar júkteýmen aıaqtalǵan. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir