• USD 468.56

  • EUR 497.56

  • RUB 7.3

  • CNY 67.18

28 Naýryz, 14:00:14
Almaty
+35°

Qazaqstan Respýblıkasy Prezıdenti janyndaǵy Tótenshe jaǵdaıdy qamtamasyz etý jónindegi memlekettik komıssııanyń usynysy negizinde, Nursultan Nazarbaevtyń bastamasymen qurylǵan «Birgemiz» qoǵamdyq qory, qazaqstandyq «SQ-Farmasııa» úkimettik  operatorymen 5 mıllıon maska alýǵa kelisim jasady.

Buǵan deıin elimizdiń Tuńǵysh Prezıdenti Qaýipsizdik Keńesiniń otyrysynda koronavırýstyń taralýyna qarsy kúres sharalary aıasynda, muqtaj jandardy qajetti qorǵanys quraldarymen, onyń ishinde medısınalyq maskalarmen qamtamasyz etý qajet ekenin aıtqan bolatyn. 

Qor tóraǵasy Rýslan Sákeevtiń aıtýynsha, satyp alynǵan maskalar koronavırýstan eń kóp zardap shekken qalalar – Nur-Sultanǵa (2 mln. dana), Almatyǵa (2 mln. dana) jáne Shymkentke (1 mln. dana) jetkiziledi.

«SQ-Farmasııa» kelisim boıynsha atalǵan qalalarǵa maskany 10 kún ishinde jetkizýge mindetti. Bir maska baǵasy onyń qalalarǵa jetkizilý qunyn qosa eseptegende 118 teńgeni quraıdy. Sondaı-aq, satyp alynǵan maskalardyń sapasyna da «SQ-Farmasııa» jaýapty. О́z kezeginde, ákimdikter buǵan deıin qormen jasasqan memorandýmǵa sáıkes, maskalardyń taratylǵany týraly esep bere otyryp, olardyń tıisti meken-jaılarǵa ýaqytyly jetkizilýin qamtamasyz etýi kerek.

«Maskalar eń aldymen, turǵyndardyń vırýs juqtyrý qaýipi joǵary álsiz toptaryna, onyń ishinde jalǵyz basty qarttarǵa, kópbalaly jáne az qamtylǵan otbasylarǵa, jetim balalarǵa, UOS-nyń ardagerlerine jáne olarǵa teńestirilgenderge, tyl eńbekkerlerine, erekshe qajettilikteri bar azamattar men múmkindigi shekteýli balalardy kútýshi adamdarǵa arnalǵan», – dedi Rýslan Sákeev.

Eske sala keteıik, «Birgemiz» qoǵamdyq qory Elbasynyń bastamasymen koronavırýsqa qarsy kúres jaǵdaıynda halyqtyń muqtaj toptaryn qoldaý maqsatynda quryldy. Búginde Qorǵa 13 mıllıardtan astam teńge tústi. Kómek alýshalardyń tizimderin naqtylaý úshin ákimdikter jáne áleýmettik qamsyzdandyrý mekmelerimen belsendi jumys júrgizilýde. Kórsetilgen kómektiń barlyq túrleri men túsken qarajat boıynsha uıymnyń saıtynda jáne áleýmettik jelilerde udaıy aqparattar jarııalanyp, jurtshylyqqa turaqty túrde esep beriledi.

 Anyqtama úshin:

«SQ-Farmasııa» kompanııasy 2009 jyldyń aqpan aıynda Qazaqstan Respýblıkasynyń Úkimetimen halyqty tegin medısınalyq kómektiń kepildendirilgen kólemi sheńberinde dári-dármekpen qamtamasyz etý, farmasevtıka salasynyń turaqtylyǵy men básekege qabilettiligin arttyrý maqsatynda quryldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir