Qazaqstanda 42500 teńgege baılanysty jańa saıt iske qosylady

Qazaqstanda jumysynan aırylyp, tabyssyz qalǵan azamattar úkimet beretin 42500 teńge járdemaqyny alý úshin jańadan ashylatyn arnaıy saıtta ótinish qaldyra alady. Bul týraly Eńbek jáne halyqty áleýmettik qorǵaý mınıstri Birjan Nurymbetov aıtty. 

Mınıstrdiń aıtýynsha, arnaıy saıt erteń iske qosylady, ol saıtta áleýmettik tólem alý joly ońaı bolady.

"Elektrondy úkimet portalyna (red. Egov.kz)  qazir kóp adam kire almaı jatyr. Sondyqtan Eńbek jáne halyqty áleýmettik qorǵaý mınıstrligi BTS kompanııasymen birlese otyryp, 42500 teńgeni alý úshin arnaıy saıt ashamyz. Ol saıtta azamattar óz ótishinin qaldyra alady. Saıt erteń tańerteń iske qosylady. Ol jerde ESQ joq bolsa, SMS arqyly tirkelýge bolady. Al kompıýterleri joq adamdar telegram-bot arqyly ótinish berýge bolady" dedi Nurymbetov.

Qazaqstanda koronavırýsqa baılanysty tótenshe jaǵdaı jarııalanyp, keı qalalar men aımaqtar karantınge jabylǵan soń prezıdent Qasym-Jomart Toqaev úkimetke tótenshe jaǵdaı kezinde tabysynan aıyrylǵandarǵa eń tómengi jalaqy mólsherinde, 42500 teńge (shamamen 100 dollar) járdemaqy tóleýdi tapsyrǵan bolatyn. 

Sońǵy derek boıynsha, Qazaqstanda 375 adamnan koronavırýs tabyldy. Úsh adam indetten kóz jumyp, 26 adam jazylyp shyqty.