Mınıstr 42500 teńgeni beıresmı jumys isteıtin azamattar qalaı alatynyn túsindirdi

Eńbek jáne halyqty áleýmettik qorǵaý mınıstri Birjan Nurymbetov biryńǵaı jıyntyq tólemge aýdarym jasamaǵan azamattar 42 500 teńgeni qalaı alatynyn aıtty.

– 42 500 teńgelik áleýmettik tólemdi alýda kópshilikke mynadaı ótinishimiz bar: Birinshiden, málimetińizdi durys toltyrý kerek. О́zińizdiń esepshotyńyzdy durys kórsetip, JSN nómirin durys belgileý kerek. Ekinshiden, sońǵy eki aıda bolsyn saqtandyrý qoryna aýdarylǵan áleýmettik tólem bolýǵa tıis. Sebebi bul tólem bir kassadan tólenip jatqan joq. Memlekettik saqtandyrý qorynan aýdarylyp jatyr. Biraq osyndaı áleýmettik tólemderi múlde joq azamattar da bar. Iаǵnı beıresmı jumys istep júrgenderdiń eńbek sharttary joq, olar salyq tólemegen. Sondyqtan beıresmı jumys istep júrgen azamattarǵa prezıdent rásimdelý ǵana jetkilikti ekenin aıtty. Rásimdelý degen ne? Ol úshin Biryńǵaı jıyntyq tólemdi bir mezgil tóleseńiz jetkilikti. Ol soma qala turǵyndary úshin 2651 teńge, aýyl turǵyndary úshin 1325 teńge. Osyny bir tóleseńizder 42500 teńgeni aı saıyn alatyn bolasyzdar, – dedi Birjan Nurymbetov.

Sonymen qatar mınıstr biryńǵaı jıyntyq tólemdi qalaı jasaýǵa bolatynyn da atap ótti.

– Halyq bank, Forte bank, Jýsan bank, Sberbank, BSK, Kaspı bankterde mobıldi qosymshalar bar. Sol arqyly Biryńǵaı jıyntyq tólemdi aýdarýǵa bolady. Bolmasa SMS arqyly: telefonnan 5505 nómirine habarlama jazyp, qala turǵyny bolsańyz latyn áripterimen «gorod ESP» dep JSN belgileısiz, aýyl turǵyny bolsańyz «selo ESP» dep JSN belgileısiz. Osyny jibergennen keıin tólemderińiz esepke túsedi. Osydan keıin 42 500 teńgeni alýǵa múmkindigińiz bar, – dedi mınıstr.

Qazaqstanda koronavırýsqa baılanysty tótenshe jaǵdaı jarııalanyp, keı qalalar men aımaqtar karantınge jabylǵan soń prezıdent Qasym-Jomart Toqaev úkimetke tótenshe jaǵdaı kezinde tabysynan aıyrylǵandarǵa eń tómengi jalaqy mólsherinde, 42500 teńge (shamamen 100 dollar) járdemaqy tóleýdi tapsyrǵan bolatyn.

Sońǵy derek boıynsha, Qazaqstanda 375 adamnan koronavırýs tabyldy. Úsh adam indetten kóz jumyp, 26 adam jazylyp shyqty. 

♦Oqı otyryńyz: Qazaqstanda 42500 teńgege baılanysty jańa saıt iske qosylady