31 Naýryz, 2020 Áleýmet

Almatyda polısııa kóshedegi ár kólikti tekserip jatyr

Polısııa qyzmetkeri Abaı dańǵylynyń boıynda avtokólikti tekserip jatyr

Almatyda karantın rejımi kúsheıtilgeli polısııa qyzmeti burynǵydan da qaýyrt jumys tártibine kóshken. Búginde 1500-ge jýyq polısııa men áskerı qyzmetshi qaladaǵy shekteýlerdiń saqtalýyn qadaǵalaýda.

Polısııa kóshede beısaýyt júrgen azamattar men kólikterdiń árqaısysyn tekserip, júrýge ruhsaty bar-joǵyn anyqtap jatyr. Ruhsatsyz júrgen azamattarǵa eskertý jasalyp, keleside ákimshilik quqyq buzýshylyq tártibi boıynsha shara qoldanylatynyn túsindirýde.

Qamshy tilshisine pikir bildirgen patrýldik polısııa qyzmetkeri qoǵamdyq tártippen qatar halyq arasynda túsindirý jáne keńes berý jumystary júrgizilip jatqanyn aıtty.

– Azamattar arasynda qoǵamǵa tónip turǵan qaýipti áli de eskermeı, túrli máselelerdi syltaýratyp qajetsiz syrtqa shyǵatyndar, osylaısha tótenshe jaǵdaı jáne karantın erejelerin elemeıtinder bar, – deıdi Abaı dańǵylynda kezekshilikte turǵan polısııa qyzmetkeri.

Ázirge mundaı azamattarǵa eskertý jasalýda. Tártip buzýshylyq qaıtalansa, zań talabyna saı naqty shara qoldanylady.

Búgingi kúnniń nátıjesinde ishki posttardaǵy túsindirý jumystary aıasynda eki myń avtokólik júrgizýshisi men 350-ge jýyq azamatpen áńgime júrgizilgen.

Qamshy tilshisileri qaladaǵy tótenshe jaǵdaı tártibin qamtamasyz etip jatqan polısııa qyzmetkerleriniń jumysynan aldaǵy ýaqytta da reportaj beredi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir