31 Naýryz, 2020 Ekonomıka
Akorda.kz
Memleket basshysy Qasym-Jomart Toqaev eldegi tótenshe jaǵdaıǵa jáne memlekettiń ekonomıka men áleýmettik saladaǵy daǵdarysqa qarsy is-sharalaryna baılanysty málimdemesinde zeınetaqy, járdemaqy 10 paıyzǵa artatynyn aıtty.
– Inflıasııanyń artýyna baılanysty, zeınataqy, memlekettik járdemaqy jáne ataýly áleýmettik kómek mólsherin 10 paıyzǵa ındeksasııalaýdy tapsyrdym, – dedi prezıdent.
Sondaı-aq turmysqa qajetti zattar men azyq-túlikti tegin alatyn azamattar kóbeıedi. Múgedekter jáne jumyssyz retinde tirkelgen azamattar da kómek ala alady. Tegin azyq-túlik 800 myńnan astam adamǵa beriledi.
Prezıdent sonymen qatar 1 sáýirden 1 shildege deıingi aralyqta medısınalyq kómekti MÁMS júıesinde saqtandyrylmaǵan azamattar da ala alatynyn atap ótti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir