31 Naýryz, 2020 NEWS

"Bızneske qoldaý kórsetý úshin buryn-sońdy bolmaǵan sharalar qolǵa alynady"

kórneki sýret

QR prezıdenti Q.Toqaev telearnalar arqyly jasaǵan málimdemesinde shaǵyn jáne orta bızneske qoldaý kórsetý úshin buryn-sońdy bolmaǵan sharalar qolǵa alynyp otyrǵanyn aıtty.

– Kásipkerlerge kómek kórsetýimiz kerek. О́ıtkeni, olar – ekonomıkamyzdyń tiregi. Ákimdikter jergilikti kásiporyndardyń ónimin kem degende 6 aı boıy kepildi satyp alý tártibin jolǵa qoıýy kerek. Shaǵyn jáne orta bıznes ókilderin bıylǵy 1 qazanǵa deıin eńbekaqy tóleý qorynan ustalatyn salyqtan bosatýdy tapsyramyn, –  dedi prezıdent.

Mundaı qoldaý saýda, kólik qyzmeti, qonaqúı, týrızm jáne basqa da salalardy qamtymaq.

Aýyl sharýashylyǵymen aınalysatyn kásipkerlerge de qoldaý kórsetilmak. Atap aıtqanda, bıýdjetten 70 mıllıard teńge bólinedi. Kóktemgi egis naýqany úshin «Qarapaıym zattar ekonomıkasy» baǵdarlamasy arqyly qosymsha 100 mıllıard teńge bólý tapsyryldy.

– Úkimetke janarmaı naryqtyq baǵasyn 15 paıyzǵa arzandatyp, 165 teńgege deıin tómendetý mindeti júkteldi. Osyny qamtamasyz etý úshin 390 myń tonna janarmaı jeńildikpen satylatyn bolady, – dedi Toqaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir