"42500 teńge". Áleýmettik tólemge ótinim berýdi úırenińiz (vıdeo)

Tótenshe jaǵdaı kezinde tabysynan aıyrylǵan azamattarǵa beriletin áleýmettik tólemdi (42500 teńge) alý sharttary jeńildetildi.

Endi tótenshe jaǵdaı saldarynan kiristi joǵaltqanyn rastaıtyn qujattardy usyný qajet emes. Basty shart – memlekettik áleýmettik saqtandyrý qoryna sońǵy 12 aıda keminde 1 ret áleýmettik tólem jasalynǵan bolýy kerek.

Ádette resmı jumys istegen azamattardyń barlyǵynda derlik ol tólem jumys berýshi tarapynan tólenedi.

О́tinimderdi qaraý jáne áleýmettik tólemdi taǵaıyndaý merzimi 3 jumys kúni.

Elektrondyq-sıfrlyq qoltańbasy (ESP) bar azamattar ótinim qaldyrýdy tómendegi beınenusqaýlyqty kórip, úırene alady.

Al elektrondyq-sıfrlyq qoltańbasy joq azamattar úshin ony úıden shyqpastan alý múmkindigi qarastyrylǵan. 

Buryn-sońdy elektrondyq sıfrlyq qoltańbasy bolmaǵan, mobıldik azamattar bazasyna tirkelmegender úshin myna vıdeonusqaýlyq usynylady.

Al elektrondyq úkimet portalynyń mobıldik qosymshasyn paıdanýshylar ıaǵnı mobıldik azamattar bazasyna tirkelgenderge elektrondyq-sıfrlyq qoltańbany alý úshin tómendegi nusqaýlyq boıynsha áreket etýi qajet.

Jańa áleýmettik tólemdi tótenshe jaǵdaıǵa baılanysty jumysynan shyǵarylǵan, aqysyz eńbek demalysynan shyqqan orta, shaǵyn jáne mıkrobıznes sýbektileriniń qyzmetkerleri, tótenshe jaǵdaı saldarynan jumysy toqtap qalǵan jeke kásipkerler, jeke praktıkamen (JP) aınalysatyn adamdar (notarıýs, jeke sot oryndaýshysy, advokat, kásibı medıator), áleýmettik saqtandyrý qoryna biryńǵaı jıyntyq tólemdi tóleýshiler, azamattyq-quqyqtyq kelisimsharttar negizinde jumys isteıtinder, karantın engizilgen eldi mekenderdegi iri bıznes sýbektileriniń qyzmetkerleri ala alady.

Járdemaqyǵa atalǵan qyzmetkerlerdiń memlekettik áleýmettik saqtandyrý qoryna sońǵy 1 jylda keminde 1 ret áleýmettik tólem jasaǵandary úmitker atanady.