О́skemen men Semeı qalalaryna qandaı qosymsha shekteýler engiziledi?

О́skemen men Semeı qalalarynda 2020 jylǵy 2 sáýirde saǵat 00.00-den bastap, qosymsha shekteýler engiziledi.
⠀
Shyǵý jáne kirý shekteledi, 15 baqylaý-ótkizý pýnkti qoıylady.
⠀
Kólik qozǵalysy kúndiz shektelip, túnde toqtaıdy. Tek qyzmettik kólikterge ruqsat berildi.
⠀
6 sáýirden bastap, jeke kólik qozǵalysy shekteledi. Kúntizbeniń jup kúnderi, kólik nómiri nóldi qosqanda, tek jup sanyna aıaqtalǵandar, al taq kúnderi, kólik nómiri taq sanǵa aıaqtalǵandar ǵana júredi.

6 sáýirden bastap, О́skemen, Semeı aýmaǵynda turǵyndardyń júris-qozǵalysy tek ruqsat qaǵazy arqyly júzege asady.

I túri – qalalardyń tynys-tirshiligin qamtamasyz etetin uıym qyzmetkerleri, jumys isteıtin azamattarǵa arnalǵan.
⠀
II túri – árbir otbasyna beriledi. Ol arqyly aptasyna 3 ret saýda nysandaryna, dárihanalarǵa, bankter men medısına mekemelerine barýǵa bolady.

Ruqsat qaǵazynyń jasyl túsi – jup kúni, Aq túsi – aıdyń tek, taq kúnderi shyǵýǵa múmkindik etedi.
⠀
2 sáýirden bastap, azyq-túlik bólimderinen basqa, iri saýda nysandarynyń qyzmeti toqtaıdy.

Meıramhanalar, dámhanalar, ashanalar onlaın túrde tapsyrys alý, jetkizý rejımine ótedi.

Qyzmet kórsetetin – sulýlyq salondary, massaj ortalyqtary, saýnalar tolyq jabylady.

Qoǵamdyq tártipti saqtaý sharalary kúsheıtildi. О́skemen 200, Semeı 202 sharshy aýmaqqa bólindi. Kommýnaldyq jáne baılanys qyzmetteri úzdiksiz jumys atqaratyn bolady.