31 Naýryz, 2020 Aımaqtar

Tótenshe jaǵdaı: Taldyqorǵanda qozǵalys shekteldi

Kórneki sýret

Bul týraly Almaty oblysy ákimdigi ókilderimen ótken tótenshe jaǵdaıǵa baılanysty engizilgen qosymsha qaýipsizdik jónindegi brıfıngte aıtyldy, dep habarlaıdy Qamshy.kz aqparat agenttigi. 

Belgili bolǵandaı qaýipsizdik erejeleri boıynsha, 31 naýryzdan bastap qoǵamdyq jáne jeke kólikterdiń qatynaýy toqtatylmaq.

Saıabaqtar, skverler, jaǵalaýlar, sporttyq keshender men balalarǵa arnalǵan oıyn alańdary jabylady. Mekemeler jumysyn toqtatyp, qosymsha sanıtarly posttar qoıylady. Áýejaı, aýdandyq jáne qalalyq avtobeketter, aýdanaralyq qoǵamdyq kólikter óz jumysyn toqtatady delingen.

Sonymen birge, jeke tasymaldaýshy kólikterdiń qozǵalysyna da tyıym salynyp, tek resmı taksı qyzmetin paıdalanýǵa ǵana ruqsat etilmek.

Indette baılanysty engizilgen erejeni buzǵan azamattar 15 táýlikke qamaýǵa alynyp, 10 aılyq eseptik kórsetkish kóleminde aıyppul salynady.

 

Eske sala keteıik, qazirgi tańda Almaty oblysy boıynsha shetelden kelgen 623 adam oqshaýlanǵan. Onyń ishinde, 163-i stasıonarda, 460-y úı karantınine alynǵan. 360 adamnyń laboratorııalyq tekserisiniń nátıjesinde 8 adamnyń aýrý juqtyrǵany anyqtalyp, olarmen qatynasta bolǵan 65 adam oqshaýlanǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir