Almaty oblysynda koronavırýs tabylǵandar arasynda aıaǵy aýyr áıel de bar 

Búgin, 28 naýryzda Almaty oblysynda úsh adamnan koronavırýs tabylyp, oblystaǵy indet juqtyrǵandar sany tórt adamǵa jetti.  Oblys ákiminiń baspasóz qyzmeti málimetinshe, vırýs tabylǵan úsh adam da áıel, bireýiniń aıaǵy aýyr. 

"Birinshisi – 1957 jyly týǵan əıel. Ol Ile aýdanynyndaǵy provızorlyq gospıtalda karantınde jatqan. Koronavırýs juqtyrǵan adammen qarym-qatynasta bolǵan. Ekinshisi – Jambyl aýdanynyń turǵyny, 1997 jyly týǵan áıel adam. 20 naýryzda Ońtústik Koreıanyń Ie Choý qalasynan Almatyǵa ushyp kelgen. Al úshinshisi – 1995 jyly týǵan Qarasaı aýdanynyń turǵyny. Ol júktiliktiń 21-22 aptasynda. Qazir úsh adam da Qarasaı aýdandyq ınfeksııalyq aýrýhanada em alyp jatyr" delingen habarlamada.

Buǵan deıin Almaty oblysynda 34 jastaǵy er adamnan vırýs tabylǵan bolatyn. Ol Saýd Arabııasynan Túrkııa arqyly Bishkekke ushyp kelgen. Keıin taksımen Almatyǵa jetken.