28 Naýryz, 2020 NEWS

Gúlshara Ábdiqalyqova Qyzylorda oblysynyń ákimi bolyp taǵaıyndaldy

akorda.kz

Prezıdent Qasym-Jomart Toqaevtyń Jarlyǵymen Qýanyshbek Dosmaıyluly Ysqaqov Qyzylorda oblysynyń ákimi qyzmetinen bosatylyp, Gúlshara Naýshaqyzy Ábdiqalyqova Qyzylorda oblysynyń ákimi bolyp taǵaıyndaldy.

«Gúlshara Naýshaqyzy Ábdiqalyqova Qyzylorda oblysynyń ákimi bolyp taǵaıyndalsyn» delingen Aqorda saıtynda jarııalanǵan Jarlyq mátininde.

Gúlshara Ábdiqalyqova 1965 jyly 15 mamyrda Qyzylorda oblysy Syrdarııa aýdany Sulý-Tóbe aýylynda dúnıege kelgen.

1987 jyly Jambyl jeńil jáne tamaq ónerkásibi tehnologııalyq ınstıtýtyn bitirdi, ekonomıka ǵylymdarynyń kandıdaty.

1987 jyldan 1994 jylǵa deıin – Qyzylorda oblystyq áleýmettik qamsyzdandyrý basqarmasynyń Áleýmettik qamsyzdandyrý bóliminiń bas ınspektory, býhgalterlik esep jáne baqylaý bóliminiń bastyǵy, tekserý komıssııasy bóliminiń bastyǵy.

1994-1995 jyldary – Qazaqstan Respýblıkasy Joǵarǵy Keńesiniń Halyqty áleýmettik qorǵaý jónindegi komıtetiniń konsýltanty.

1995-2003 jyldary Qazaqstan Respýblıkasynyń Eńbek jáne halyqty áleýmettik qorǵaý mınıstrliginde basqarma bastyǵynyń orynbasary, zeınetaqymen qamtamasyz etý basqarmasynyń bastyǵy, áleýmettik qamtamasyz etý departamenti dırektorynyń orynbasary, áleýmettik qamtamasyz etý departamentiniń dırektory, halyqty zeınetaqymen qamtamasyz etý jáne kiristerdi retteý departamentiniń dırektory laýazymdarynda qyzmet atqardy.

2003 jyldyń naýryz aıynan 2005 jyldyń jeltoqsanyna deıin – Qazaqstan Respýblıkasynyń Eńbek jáne halyqty áleýmettik qorǵaý vıse-mınıstri 2005 jyldyń jeltoqsan aıynan 2006 jyldyń qazan aıyna deıin «О́mirdi saqtandyrý kompanııasy» AQ Basqarma tóraǵasy.

2006 jyldyń qazannan 2007 jyldyń qazanyna deıin – Qazaqstan Respýblıkasynyń Eńbek jáne halyqty áleýmettik qorǵaý vıse-mınıstri.

2007 jyldyń qazannan 2008 jyldyń qańtaryna deıin – Qazaqstan Respýblıkasy Eńbek jáne halyqty áleýmettik qorǵaý mınıstrliginiń Jaýapty hatshysy.

2008 jyldyń qańtarynan 2009 jyldyń naýryzyna deıin – Qazaqstan Respýblıkasy Prezıdentiniń keńesshisi, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy. 2009 jyldyń naýryzynan

2012 jyldyń qyrkúıek aıyna deıin – Qazaqstan Respýblıkasy Eńbek jáne halyqty áleýmettik qorǵaý mınıstri, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy.

2012 jyldyń qyrkúıeginen 2013 jyldyń qarashasyna deıin – Qazaqstan Respýblıkasy Prezıdentiniń keńesshisi, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy.

2013 jyldyń qarasha aıynan 2014 jyldyń qarasha aıyna deıin – Qazaqstan Respýblıkasy Premer-Mınıstriniń Orynbasary, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy.

2014 jyldyń qarashasynan 2019 jyldyń aqpanyna deıin – Qazaqstan Respýblıkasynyń Memlekettik hatshysy, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy.

2019 jyldyń aqpannan bastap 2019 jyldyń tamyzyna deıin – Qazaqstan Respýblıkasy Premer-Mınıstriniń Orynbasary, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy.

2019 jyldyń tamyzynan bastap-VI saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń tóraǵasy bolǵan.

Qýanyshbek Ysqaqovtyń qyzmetten ne sebepti ketkeni týraly ázirge resmı aqparat joq. Yedilov telegram kanalynyń habarlaýynsha,  oblystyń burynǵy basshysy men onyń qol astyndaǵy birneshe laýazymdy tulǵa alaıaqtyq jasaǵany úshin qamaýǵa alynǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir