Búgin, 27 naýryzda Almatyda koronavırýs juqtyryp, aýrýhanada jatqan bir adam dertinen aıyqty. Bul aqparatty qala ákimdigi habarlady.

Ákimdik taratqan aqparatqa qarǵanda, aýrýdan aıyqqan naýqas elde koronavırýs tabylǵan ekinshi adam. 

"Bul pasıent – 13 naýryzǵa qaraǵan túni Almatyda Berlın-Mınsk-Almaty charterlik reısimen kelgen er adam. Ol vırýsqa qarsy emdeý men sımptomatıkalyq terapııanyń tolyq kýrsyn aldy. Aýrý jeńil túrde ótti. Emdeý kezeńinde asqynýlar bolǵan joq. Qazir ol emhanadaǵy medısınalyq qyzmetkerlerdiń baqylaýymen 14 kúndik úı karantınge shyǵaryldy" delingen ákimdik taratqan habarlamada.

Buǵan qosa, qala ákimdigi erteń qorytyndy saraptama rastalǵan soń taǵy bir naýqas aýrýhanada shyǵarylatynyn habarlady. Ol – Almaty qalalyq balalar juqpaly aýrýlar aýrýhanasynda emdelip jatqan 12 jasar qyz.

Buǵan deıin, 25 naýryzda Almatyda bir, Nur-Sultanda bir adamnyń koronavırýstan jazylyp shyqqany habarlanǵan. Osylaısha elde vırýstan aıyqqandar sany 3-ke jetip otyr. 


Oqı otyryńyz♦ Qazaqstanda koronavırýstan eki adam jazyldy

"Qamshy" silteıdi
Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir