27 Naýryz, 2020 NEWS

Nur-Sultan men Almatyda kásiporyndar men uıymdardyń jumysy toqtatylady

primeminister.kz

Qazaqstannyń premer-mınıstri Asqar Mamınniń tóraǵalyǵymen ótken tótenshe jaǵdaı jónindegi memlekettik komıssııanyń selektorlyq otyrysynda Nur-Sultan jáne Almaty qalalarynda 30 naýryz ben 5 sáýir aralyǵynda kásiporyndar men uıymdardyń jumysy ýaqytsha toqtatylatyny habarlandy.

Selektorlyq otyrysta eldegi sanıtarlyq-epıdemıologııalyq jaǵdaı týraly densaýlyq saqtaý mınıstri E. Birtanov, Nur-Sultan jáne Almaty qalalaryndaǵy ahýal týraly ákimder A. Kólginov pen B. Saǵyntaev baıandady.

Memlekettik komıssııa koronavırýstyq ınfeksııanyń taralýyn shekteý maqsatynda Nur-Sultan jáne Almaty qalalarynda bıylǵy 30 naýryz ben 5 sáýir aralyǵynda ortalyq memlekettik organdar, ákimdikter, quqyq qorǵaý organdary, densaýlyq saqtaý uıymdary, BAQ, azyq-túlik dúkenderi, dárihanalar men tirshilikti qamtamasyz etý uıymdaryn qospaǵanda, menshik túrine qaramastan barlyq kásiporyndar men uıymdardyń jumysyn ýaqytsha toqtatý týraly sheshimdi bekitti.

Tolyq tizim qalalardyń ákimdikterimen kelise otyryp anyqtalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir