Almatyda indet oshaǵy 20-ǵa jetti

Almaty qalasy Taýarlar men qyzmetterdiń sapasyn baqylaý departamentiniń deregi boıynsha, 26 naýryzdaǵy jaǵdaı boıynsha, Almatyda koronavırýstyń jeke oshaqtary men 20 kireberis karantınge alyndy.

Kireberisterde kúsheıtilgen dezınfeksııalyq rejım engizildi, basqa úılerdiń turǵyndarynyń qozǵalysy men kirýine shekteý qoıyldy. Karantın rejımi merzim aıaqtalǵannan keıin alynyp tastalady.

Búgingi kúni Almaty aýmaǵynda koronavırýstyq ınfeksııanyń 20 oshaǵy bar.

Áýezov aýdanynda – 2 juqtyrý oshaǵy: Jetisý-2 yqshamaýdany, 70a; Mamyr – 4 yqshamaýdany, 313 meken-jaıynda ornalasqan.

Alataý aýdanynda 5 juqtyrý oshaǵy: Zarıa-Vostok yqshamaýdany, Sary-oı kóshesi, 234; Aqkent yqshamaýdany, 7; Aqbulaq yqshamaýdany, 9-da ornalasqan.

Almaly aýdany boıynsha – 3 oshaq. Olar Jeltoqsan kóshesi, 125; Jarokov kóshesi, 16; Jarokov kóshesi, 7-de ornalasqan.

Medeý aýdanynda 4 oshaq tirkeldi. Olar Zenkov kóshesi, 59; Dostyq kóshesi, 162; Gogol kóshesi, 75; Qonaev kóshesi, 62-de.

Jetisý aýdanynda – 2 oshaq bar: Eńlikgúl, 34a, Volochaevskaıa kóshesi, 51.

Túrksib aýdanynda 5 oshaq tirkelgen. Olar: Altaı-1, 8; «Jas qanat» yqshamaýdany, 86; Maılın kóshesi, 77; Spasskaıa k-si, 63; Juldyz-2 yqshamaýdany, 45.

Bostandyq aýdanynda – 1 oshaq Turǵyt-Ozal kóshesi, 242 meken-jaıynda.

Sonymen qatar, Zenkov kóshesi, 59 mekenjaıy boıynsha oshaǵy aımaǵynan aǵymdaǵy jyldyń 27 naýryzy saǵat 00:00-den bastap shekteý sharalary alynady. Almaty qalasynyń turǵynynyń koronavırýs ınfeksııasynan emdelip shyqqany buryn da habarlandy. Atalǵan emdelýshi 14 kún ishinde úı karantıninde bolady, medısına qyzmetkerleri densaýlyq jaǵdaıyna monıtorıng júrgizedi.

Qala bıligi almatylyqtardy karantın rejımin qatań saqtaýǵa, karantındik aýmaqtyń ishinde júrýden aýlaq bolýǵa, jeke gıgıena sharalaryn saqtaýǵa, týys, dos, áriptesteri men jáne t. b. adamdarmen qarym-qatynasty shekteýdi suraıdy. Mundaǵy maqsat – ár adamnyń ózin koronavırýstyq ınfeksııa juqtyrýdan saqtaý, týǵandary men jaqyndary jáne aınalasyndaǵylarǵa da juqtyrý qaýpin tómendetý. Qala ákimdigi, medısınalyq jáne sanıtarlyq-epıdemıologııalyq baqylaý qyzmetteri tarapynan indettiń oshaq aýmaǵynan tys jerge taralyp ketpeýi úshin kúsheıtilgen is-sharalar atqarylýda.

Taǵy oqyńyz:

♦ "Úıde otyryp ábden zeriktik". Almatydaǵy indet oshaqtaryndaǵy jaǵdaı

♦ "Bizdi karantınge jappady". Almatyda "koronavırýs oshaǵy" dep oqshaýlanǵan úılerdiń ahýaly (fotoreportaj)