26 naýryz kúni saǵat 22.20-da Jambyl oblysynda taǵy bir adamnan koronavırýs tabyldy. Bul týraly Densaýlyq saqtaý mınıstrligi habarlady. 

Bul oblysta kornavırýs juqtyrǵan alǵashqy adam 24 naýryzda anyqtalǵan. Jambyl oblystyq densaýlyq saqtaý basqaramasynyń dergeginshe, 29 jastaǵy ol azamat 23 naýryzda Qyrǵyzstannan kelgen.

Qazaqstanda 26 naýryz kúni vırýs juqtyrǵandar kúrt kóbeıdi. Densaýlyq saqtaý mınıstrliginiń deriginshe, búgin 32 adamnan vırýs tabyldy.

Jalpy elde 13 naýryzdan beri vırýs juqtyrǵan 112 adam anyqtaldy. Olardyń ekeýi indetten aıyǵyp shyqsa, bir adam búgin qaıtys boldy.

Elde koronavırýs ınfeksısyn juqtyrǵandardyń basym bóligi Almatyda men Nur-Sultanda. 

Koronavırýsqa baılanysty Qazaqstannyń barlyq aýmaǵynda 16 naýryzdan 15 sáýirge deıin tótenshe jaǵdaı. Al Almaty men Nur-Sultan 19 naýryzdan bastap karantınge jabylǵan. Bul qalalarǵa kirip-shyǵýǵa tyıym salynǵan. Búginnen bastap qala ishinde azyq-túlik dúkenderi men dárihanalar ǵana jumys istep tur.  


 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir