Koronavırýs: Almatyda bir naýqastyń jaǵdaıy aýyr

Almaty ákiminiń baspasóz qyzmeti qalada koronavırýs anyqtalǵan azamattardyń jaǵdaıy týraly habarlady.

Ákimdiktiń dergenishe, búginde qalalyq klınıkalyq juqpaly aýrýlar aýrýhanasynda 40 pasıent jatyr. Onyń ekeýi – bala.

38 pasıenttiń jaı-kúıi – qanaǵattanarlyq, 1 balanyń jaǵdaıy aýyrlyǵy ortasha dárejede. Bir naýqastyń jaǵdaıy aýyr. 1956 jyly týǵan pasıent entigýine baılanysty ókpeni jasandy jeldetý apparatynda jatyr. Dárigerler naýqastyń aýyr jaǵdaıyn ókpeniń sozylmaly obstrýktıvti aýrýynyń bolýymen baılanystyrady.

Budan bólek provızorlyq gospıtaldarda karantınde 938 azamat, onyń ishinde 56 bala baqylanýda. Azamattardyń temperatýrasy qalypty jaǵdaıda.

Sondaı-aq búgin, 26 naýryzda qalalyq juqpaly aýrýlar aýrýhanasynan COVID-19 rastalǵan áıel emdelip shyǵaryldy. Ol elde koronavırýstyq ınfeksııa anyqtalǵan alǵashqylardyń biri bolatyn. Pasıent vırýsty Eýropa elderiniń birinde juqtyrǵan. Ol vırýsqa qarsy emdeý men sımptomatıkalyq terapııanyń tolyq kýrsyn aldy. Aýrý sımptomdarsyz ótip, vırýsqa qarsy em qanaǵattanarlyq jaǵdaıda ótti. Emdeý kezeńinde asqynýlar bolǵan joq. Sońǵy eki baqylaý taldaýy qorytyndysy boıynsha koronavırýs anyqtalǵan joq.